ملي امنیت په ننګرهار کې اووه داعش او دوه طالب جنګیالي نیولي

(Last Updated On: December 13, 2018)

د ننګرهار چارواکو ویلي، چې ملي امنیت ریاست په مخ پټو جنګیالیو کې اووه داعشیان او دوه له طالب سره د ملګرتیا پر تور نیولي دي.

 د ننګرهار والي حیات الله حیات وايي، په دې ډله کې د داعش مالي او د جلب جذب مسوولین هم شته او زیاتوي؛ ټول نیول شوي کسان خپل جرمونه مني.

نوموړي زیاته کړې؛ دا نهه وسلوال جنګیالي د ملي امنیت سرتېرو، په بهسودو، خوږیاڼيو، غني خېلو ولسوالیو او جلال آباد ښار کې نیولي دي.

نیول شوي کسانو ويلي، چې له څه وخت راپدیخوا یې د حکومت ضد بېلابېل فعالیتونه تر سره کول.

د ننګرهار والي حیات څرګنده کړې؛ په ننګرهار کې د وسلوالو ډلو د ځپلو لپاره جدي هڅې روانې دي او همهاله په سره ردو، نازیانو، خوږیاڼو او حصارک ولسوالیو کې د امنیتي ځواکونو عملیاتو روان دي، چې ګڼې لاسته راوړنې لري.

نوموړي زیاته کړې، چې نازیان د وسلوالو مخالفانو څخه بشپړ پاک شوی او په نورو سیمو کې  پرمختګ روان دی.

دا په داسې حال کې ده، چې په دې وروستیو کې په جلال آباد ښار کې هدفي وژنې یو ځل بیا ډرې شوي او په یوه تازه پېښه کې د والي حیات الله حیات ورور د لومړۍ ناحیې دوه سرتېرې مرګونې وهلي دي.

خبریال: رحمت الله زیارمل

About Ariana News

Avatar

Check Also

په پکتیا کې د افغانستان د صنایعو خونې ولایتي څانګه پرانستل شوه

(Last Updated On: June 25, 2019)په پکتیا ولایت کې د افغانستان د صنایعو خونې اجرائیوي …