Connect with us

تازه خبرونه

ملي اردو به له دفاعي حالت راووځي- اسدالله خالد

خپور شوی

د

(Last Updated On: لړم ۲, ۱۴۰۱)

د ملي دفاع وزارت سرپرست وزیر، چې  تازه د ولسمشر لخوا د سرپرست او کاندید په توګه معرفي شوی، وایي ملي اردو به له دفاعي حالت راووځي؛ د کوماندو ځواکونو په ګډون به ټول پوځیان په ترهګرۍ ضد عملیاتو کې دخیل شي.

د پاکستان او طالبانو ضد څېرې اوړمه ورځ د ملي دفاع وزارت چارې تر لاسه کړې، چې ور سره جوخت د افغان دولت د جګړې په کړنلاره کې د پام وړ بدلون تر سترګو شو.

د ملي دفاع وزارت سرپرست اسدالله خالد په خپل لومړني پیغام کې د ملي اردو له سرتېرو او منسوبینو وغوښتل، چې د دښمن په وړاندې بې رحمه او غصه ناک واوسي.

اسدالله خالد ملي دفاع وزارت ته په دې لید لوری ورغلی، چې پر پوځي فشارونو به طالبان سولې ته حاضر کړي.

هغه وایي،  ملي اردو به نور په دفاعي حالت کې نه وي او ټول ځواکونه به د ځانګړیو قوتونو په ګډون د ترهګرو پر پټنځایونو او ځالو بریدونه وکړي او هغوي به وځپي.

نوموړی په دفاع وزارت کې له روان وضعیت خوښ ندی او ټینګار کوي، چې په دفاع وزارت کې به قومي ونډو او د سرتېرو ناوړه حالت ته د پای ټکی کیښودل شي.

نوموړی ملي اردو ته امر کوي، چې د دښمن سر ووهي او سنګر یې ونیسي.

په داسې حال کې، چې د سولې بهیر په جدیت څارل کیږي؛ خو د ملي امنیت شورا سلاکار وایي، د دولت لومړیتوب د جګړې مدیریت او د ترهګرو او وسلوالو ډلو مسوولانه ځپل دي.

د ملي امنیت شورا سلاکار حمدالله محب وایي، اوس د سیاسي مخالفتونو او تعاملاتو پر ځای د جګړې مدیریت د دولت لومړیتوب دی او ترهګر به په پرېکنده او مسوولانه ډول وځپل شي.

په وروستیو ورځو کې دفاع وزارت ته د اسدالله خالد له ورتلو سره پر ترهګرو په ځانګړې توګه پر طالبانو پوځي فشارونه ډېر شوي او دا ډاډ هم څرګند شوی، چې ورسره به د جګړې معادله هم بدلون وکړي.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!