Connect with us

تازه خبرونه

لویې څارنوالۍ د ملا تره خېل د جلب حکم صادر کړی

خپور شوی

د

(Last Updated On: لړم ۳, ۱۴۰۱)

ملا تره خېل د حج او اوقافو د سرپرست وزیر سره د فزیکي تاوتریخوالي لپاره لویې څارنوالۍ ته جلب شوی؛ خو هغه نه دی ورغلی.

ملا تره خېل  او د هغه ورور او د کورنۍ یو بل غړی یې، چې د حج او اوقافو د سرپرست په وهلو تورن دي، د لویې څارنوالۍ لخوا هغه ته د جلب لیږلو سره سره لویې څارنوالۍ ته نه دی حاضر شوی.

لویې څارنوالۍ ويلي، چې د قضیې په اړه یې د حج او اوقافو له سرپرست وزیر څخه د خپلو پوښتنو ځوابونه بشپړ کړي دي.

له دې ټولو سره سره له دغه ډول قضیو سره د سیاسي چلند او د معافیت کلتور په اړه اندېښنې شته او ځينې په دې باور دي، چې حکومت د زورواکو د محاکمې توان نلري.

حقوقپوه عبدالسبحان مصباح ویلي؛ په خواشینۍ، چې اوس هم د زورواکو د بښنې فرهنګ په خپل ځای پاتې دی او د عدلي او قصایي بنسټونو بېوسي هم روانه ساتل شوې ده.

لویه څارنوالي بیا وايي، چې د معافیت کلتور پای ته رسیدلی او قانون پر ټولو یو شان پلی کیږي.

لویه څارنوالي وايي چې د فوټبال د ښځينه لوبغاړو د جنسي ځورونو څيړنې یې بشپړې کړي دي او دوسیه یې محکمې ته لیږلې ده.

لویه څارنوالي وايي، چې په قتل، اداري او جنسي فساد او فزیکي تاوتریخوالي کې د ښکېلو حکومتي چارواکو لپاره یې دوسیې پرانیستې دي.

د دغه بنسټ د څرګندونو له مخې؛ د افغانستان د فوتبال فدراسیون پخوانی رييس کرام الدین کریم، چې د ښځينه لوبغاړیو پر جنسي ځورونه تورن دی، لویې څارنوالۍ یې په اړه څېړنې بشپړې کړي او دوسیه یې محکمې ته استولې، خو تر اوسه یې محاکمه نده پیل شوې.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!