Connect with us

تازه خبرونه

ګډې ټاکنې به د چنګاښ پر دوه یمه تر سره شي- صیاد

خپور شوی

د

(Last Updated On: لړم ۲, ۱۴۰۱)

د ټاکنو خپلواک کمیسیون مسوولینو ویلي، چې ولسمشریزې ټاکنې به د ولایتي او ولسوالیو شوراګانو پر ټاکنو سربېره د غزني ولایت د ولسي جرګې له ټاکنو سره ګډې د چنګاښ پر دوه ویشتمه ترسره کړي.

د ټاکنو خپلواک کمیسیون میاشت وړاندې ویلي وه، چې د ولسمشریزو ټاکنو پر مهالوېش کار کوي. د یکشنبې پر ورځ یې دا مهالوېش اعلان کړ.

دوی د ولسمشریزو ټاکنو دغه ځنډ یو احتمالي وړاندیز ګڼي، چې په وینا یې د سیاسي ګوندونو او څارونکیو بنسټونو له نظریاتو وروسته به وروستی شي.

د ټاکنو خپلواک کمیسیون ريیس عبدالبدیع صیاد وایي: که امکان ولري مونږ پر همغې اعلام شوې نېټې ټاکنې تر سره کوو؛ خو ستونزې شته دی.

د ټاکنو خپلواک کمیسیون ريیس عبدالبدیع صیاد بیا د خپلې پرېکړې لپاره داسې دلایل وړاندې کوي:  

قانون د قرآن پاڼه نده؛ له شرایطو سره په کې بدلون راتلی شي. هغه د شاعر خبره، چې:

په ماتــه کښتۍ سپور یم توپانونه دي په مخکې-

باید ونه وایو، چې:

 پر دغه لار یې بیایم که وم وم که نه وم نه وم.

د قانون له مخې؛ د ولسمشر دنده د پېنځم کال د غبرګولي پرلومړۍ د ټاکنو له ترسره کیدو وروسته پای مومي. ولسمشریزې ټاکنې به د یوې یا دوه میاشتو په ترڅ کې تر سره کیږي.   

د ټاکنیزو شکایتونو کمیسیون بیا د ټاکنو خپلواک کمیسیون دا پرېکړه له اساسي قانون سره په ټکر کې ګڼي.

د ټاکنیزو شکایتونو د کمیسیون منشي علي رضا روحاني وایي: د ټاکنو د ترسره کولو نېټه او وخت د ټاکنو خپلواک کمیسیون صلاحیت دی.

د افغانستان د آزادو او عادلانه ټاکنو د بنسټ ريیس یوسف رشید هم د ټاکنو خپلواک کمیسیون دا پرېکړه لویه تېروتنه ګڼي او وایي: مونږ یوې پایلې ته رسیږو، چې دغه کمیسیون د ټاکنو د ترسره کولو ځواک او واک نلري؛ ځکه، نو له دغه کمیسیون سره د ټاکلې لار وهل تېروتنه نه، بلکې ستره ګناه ده.

د ټاکنو خپلواک کمیسیون به په یوه ورځ د ګډو څلور ټاکنو مهالوېش د سیاسي ګوندونو او څارونکو بنسټونو له نظرونو وروسته، وروستی کړي.

خبریاله دیانا صمدي

تازه خبرونه

د ټاپي ګاز شرکت اجرائیه رییس د پروژې له پرمختګه خوښ شو

Published

on

(Last Updated On: وری ۹, ۱۴۰۳)

د کانونو او پټرولیم وزیر شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګ په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه ډخوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

تازه خبرونه

تحول: په افغانستان کې د بریټانیا د پوځي ماموریت ارزونه

Published

on

(Last Updated On: وری ۹, ۱۴۰۳)

Continue Reading

تازه خبرونه

په فاریاب او سرپل کې سېلابونو ځاني او مالي زیانونه اړولي

Published

on

(Last Updated On: وری ۹, ۱۴۰۳)

سیمه‌ییزو چارواکو ویلي؛ د سېلابونو له کبله دوه کسانو خپل خوږ ژوند له لاسه ور کړی او د مالي زيانونو تر څنګ د دې دوه ولايتونو د يو شمېر ولسواليو د تګ راتګ لارې هم تړل شوې دي.

دوی زياته کړې، چې پر کرنيزو ځمکو، استوګنې کورونو، د ښار او کلي تر منځ د پلونو پر نړېدو سربېره سېلابونو د خلکو ژوند له ستونزو سره مخ کړى دى.

د يادونې ده، چې د سېلابونو له کبله زيانمنې شوې کورنۍ له دولت او مرستندويه ادارو څخه د بېړنیو مرستو غوښتنه کوي.

Continue Reading

Trending

Copyright © 2022 Ariana News. All rights reserved!