عاجل خبرونه

ځینې وکیلان د برښنایي تذکرو د وېش مخالف؛ خو ځینې یې ملاتړي دي

(Last Updated On: مې 5, 2018)

له هغې وروسته، چې د الکترونیکي تذکرو د وېش لړۍ پیل شوه او لومړنۍ برښنایي تذکره ولسمشراشرف غني واخیسته د ولسي جرګې ځینې وکیلان د دې لړۍ مخالف شول او دا اقدام یې ناقانونه او استبدادي وګاڼه.

په ولسي جرګه کې د پنجشیر استازی ظهیر سعادت وایي: په اوسنیو شرایطو کې د برښنایي تذکرو وېش ملي کړنه نه، بلکې له خلکو سره جفا ده او نفاق ته لمن وهل دي. دا کار بحران رامنځته کوي، چې بیا به یې هیڅوک مخه ونشي نیولی.   

په ولسي جرګه کې د بامیانو استازی فکور بهشتي وایي: د وګړیو د احوال ثبتولو قانونون په شتون کې استبدادي فرمان رد شو او تقنیني فرمان خپل پړاوونه ونه وهل؛ ځکه، نو د برښنایي تذکرو وېش به قومي کرکه او نفاق ډېره کړي. باید د وېش بهیر یې ودرول شي.        

د ولسي جرګې ځینې نور غړي د دې بهیر هرکلی کوي او وایي، په وړاندې یې هیڅ راز خنډ نشته.

په د ولسي جرګه کې د لوګر استازی انجینر صاحب خان وایي: د خلکو هیله او تمه تر سره شوه او د برښنایي تذکرو وېش پیل شو. باید له ارګه دغه بهیر رابهر کړو، چې هېواد شموله شي. افغانیت او اسلامیت زمونږ ملي هویت دی؛ خو د دغه هویت په وړاندې دسیسه پیل شوې ده.            

په ولسي جرګه کې د پکتیکا استازی نادر کتوازی وایي: د افغانانو ستره ننګونه پای ته ورسیده او د برښنایي تذکرو وېش پیل شو او مونږ یې هرکلی کوو. د دغو تذکرو وېش له ټولو اصولو سره برابر دی او ټول خلک باید تذکرې واخلي.

د ولسي جرګې ځینې غړي د ولسي جرګې پر رییس د نیوکې تر څنګ وایي، د ولسي جرګې رییس باید د برښنایي تذکرو د وېش په لړۍ کې ګډون نه وای کړی.

د ولسي جرګې رییس عبدالرووف ابراهیمي یې په ځواب کې وایي: دا زما حق و، چې تذکره مې واخیسته؛ تاسې وئ، چې حکم او فرمان مو رداوه. اوس ما تورنوئ، چې ولې مې تذکره اخیستې او دا کار له انصافه لیرې بولئ.

د ولسي جرګې غړي وایي، د وګړیو د احوال ثبتولو قانون یوه لویه ستونزې ګرزیدلې او په دې تړاو اوس هم اختلافونه شته او په وینا یې دا بهیر باید وځنډیږي، له دې پرته د هر کړکیچ مسوول حکومت دی.

خبریال: رفیع صدیقي  

About Ariana News

Check Also

د ولسمشرۍ مانۍ مخې ته د عدالت غوښتنې لاریون تر سره شو

(Last Updated On: نوومبر 12, 2018) سلګونه کسانو د دوشنبې پر ورځ( د لړم ۲۱) …