تازه خبرونه
کیدی شي نور لس زره بهرني سرتېري افغانستان ته راشي
په افغانستان کې میشت امریکایي ځواکونه د سرتېرو زیاتولو له پلان تود هرکلی کوي. دغه غوښتنه پنتاګون له سپینې ماڼۍ کړې ده.
ټاکل شوې امریکایی پوځي چارواکي تر یوې اوونۍ پورې له ولسمشر دونالد ترمپ وغواړي، چې افغانستان ته د نورو پېنځه زره امریکایي سرتېرو د لیږلو پلان تائید کړي.
دغه غوښتنه پر داسې مهال کیدونکې ده، چې امنیتي حالات په افغانستان کې خراب شوي او ویل کیږي، چې دا پلان برخلیک ټاکونکی هم دی.
د امریکا د پوځ د ځانګړیو ماموریتونو قومندان توماس ریموند وایي، په افغانستان کې اضافي سرتېري کولی شي د افغان ځواکونو د سلا مشورو او زدکړو ماموریت ته قوت وروبښي. دا مساله به په افغانستان کې په بشپړ ډول زمونږ د سرتېرو په ګټه وي.
د ناتو تړون غړي هېوادونه هم افغانستان ته د پېنځه زره نورو سرتیېرو پلان څېړي. که دغه طرحې د امریکا حکومت او د ناتو تړون نور غړي هېوادونه تائید کړي؛ کیدی شي په نږدې راتلونکې کې افغانستان ته لس زره نور بهرني سرتېري واستول شي.
د امریکا د دفاع وزارت یو جګپوړي غړي تریسا ویلان په ډاګه کړې، چې د ترمپ اداره په فعال ډول د افغانستان په تړاو انعطاف مننې ته سترګې په لار ده. زه تمه لرم، چې دغه وړاندیزونه په یوه اوونۍ کې د ترمپ دفتر ته ورسیږي او د دې کار موخه له اوسني په ټپه ولاړ حالت څخه وتل دي.
افغان حکومت تل په افغانستان کې د بهرنیو سرتېرو د زیاتولو له پلان هرکلی کړی او ویلي یې دي، چې افغانستان ته د نورو بهرنیو سرتېرو له رااستولو سره به د افغان ځواکونو د روزنې او سلا مشورې ماموریت ګړندی شي او د افغان سرتېرو پر روحیه به مثبت اغېز وکړي.
امریکایان په داسې حال کې د سرتېرو د زیاتولو پر پلان کار کوي، چې په وروستیو کې پنتاګون د هغه څه له کبله پر روسیې نیوکې کړي، چې دوي یې په افغانستان کې د دې هېواد لاسوهنه بولي.
خبریال: قیام نوري
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ