تازه خبرونه
کیدی شي حامد کرزی او رحمت الله نبیل په افغانستان ژغورنې ائتلاف کې شامل شي
د افغانستان ژغورنې ائتلاف وايي، چې د پخواني ولسمشر حامدکرزي په ګډون له یو شمېر سیاسي څېرو سره خبرې پیل شوي، چې په افغانستان ژغورنې ائتلاف کې شامل شي.
هېواد ته د ولسمشر اشرف غني د لومړي مرستیال جنرال عبدالرشید دوستم له راستنیدو سره پر یوه وخت د افغانستان ژغورنې ائتلاف د خپلو لیکو د پیاوړي کولو هڅې پیل کړې دي.
ملي جنبش ګوند، چې د دغه ائتلاف پیاوړی غړی دی څرګندوي، چې له مهمو سیاسي څېرو سره یې په ائتلاف کې د شاملولو خبرې پیل کړې دي.
د د غه ګوند ویاند وايي، چې له پخواني ولسمشر حامد کرزي سره هم په دې اړه خبرې پیل شوې دي.
بشیر احمد ته ینج د ملي جنبش ګوند ویاند وایي: په دغه ائتلاف کې، چې ټاکل شوې راتلونکې اوونۍ خپل شتون اعلان کړي؛ ډېرې دولتي څېرې به په کې برخه ومومي. له حامد کرزي او رحمت الله نبیل سره مو خبرې وروستي پړاو ته رسیدلي، چې کیدی شي دوی هم په ائتلاف کې شامل شي؛ خو پخواني ولسمشر حامد کرزي او د ملي امنیت پخواني رییس رحمت الله نبیل تر اوسه په دې اړه څه نه دي ویلي.
د افغانستان ژغورنې په ائتلاف کې ملي جنبش، جمعیت اسلامي او حزب وحدت ګوندونه شامل دي. دغه راز د ولسي جرګې یو شمېر غړي او نورې سیاسي څېرې هم له دغه ائتلاف سره اوږه پر اوږه روان دي.
دغه راز په افغانستان کې د پرېکنده ملاتړ ماموریت قومندان جنرال نیکلسون هم د جنرال دوستم شتوالي د ټینګار وړ بولي او وایي، چې: د جنرال دوستم راستنیدل د شمال له امنیتي حالاتو سره مرسته کوي؛ خو له هغه سره اړوند نور اړخونه هم له افغانستان سره تړاو لري.
د حزب جمعیت اجرائیه رییس عطامحمد نور ویلي، چې په روانه اوونۍ کې به د افغانستان ژغورنې ملي ائتلاف خپل سیاسي شتون په ډاګه کړي.
سیاسي کارپوهان وايي، چې ائتلافونه به هغه وخت د هېواد په ګټه راوڅرخي، چې روان کړکیچونه حل شي.
سیاسي کارپوه عبدالحمید صفوت وایي، چې: هر سیاسي بهیر باید د خلکو ګټې خوندي کړي او داسې طرحې وړاندې کړي، چې اوسنی روان بحران پای ته ورسوي.
د افغانستان ژغورنې ائتلاف هغه مهال په ترکیه کې جوړ شو، چې جنرال عبدالرشید دوستم په جلا وطنۍ کې و. جنرال دوستم هم د دغه ائتلاف مهم غړی دی.
د ملي وحدت حکومت اجرائيه ريیس کابل ته د جنرال دوستم راستنیدل د هېواد په ګټه بولي او وایي، چې: افغانستان ته د دغه مقام راسنیدل به اوسني حالت ته ګټور وي.
د سیاسي ائتلافونو او جوړښتونو بازار په داسې حال کې مخ پر تودیدو دی، چې له یوې خوا د ولسي جرګې ټاکنې په څو میاشتو کې ترسره کیدونکې دي او له بلې خوا حکومت د ټاکنو له خپلواک کمیسیون څخه غوښتي، چې د ولسمشریزو ټاکنو نېټه اعلان کړي.
خبریاله : یلدا درویشي
تازه خبرونه
تېر ۲۰۲۳ کال د افغانستان د خلکو لپاره د سترو ننګونو کال و -راپور
په ۲۰۲۴ کال کې به د افغانستان شاوخوا ۱۵ اعشاریه ۸ میلیون خلک د خوړو د خوندیتوب له بحران او بېړنۍ کچې سره مخ شي.
په افغانستان کې د ملګرو ملتونو ټولنې د ۲۰۲۳ کال د پایلو په کلني راپور کې ویلي، چې په افغانستان کې میلیونونه وګړي له لوږې او خوارځواکۍ سره مخ دي، چې ډېري یې خپلې لومړنۍ اړتیاوې پوره کولی نشي.
ملګرو ملتونو څرګنده کړې، چې بشري ناورین په ۲۰۲۳ کال کې هم دوام درلود او دغه هېواد یوه لسیزه شاه تګ کړی او دا مهال د افغانستان نیمايي وګړي په بې وزلۍ کې ژوند کوي.
د اقتصاد وزارت مسلکي مرستیال عبداللطیف نظري له افغانانو سره د بشري مرستو پر اړتیا ټینګار کوي او زیاتوي، چې دغه وزارت په هېواد کې د فقر او لوږې د ختمولو لپاره مناسب پلانونه لري.
ملګرو ملتونو په راپور کې راغلي، چې له ۲۰۲۱ کال راپدیخوا د اقتصادي تولیداتو کچه یو پر څلورمه راټیټه شوې او د نړیوال بانک د راپور له مخې دا مهال د افغانستان نیمايي نفوس په بېوزلۍ کې ژوند کوي.
دا په داسې حال کې ده، چې ملګرو ملتونو اندېښنه ښودلې او څرګندوي؛ دوی له افغانستان سره د مرستو د دوام لپاره د بودجې له کمښت سره مخ دي.
تازه خبرونه
ملګرو ملتونو تېر کال په افغانستان کې د اوبو ۴۷۰ کیلومټره کانالونه جوړ کړل
د خوړو نړيوال پروګرام ویلي، چې تېر کال يې په افغانستان کې د سيمهييزو ټولنو پر همکارۍ د شاوخوا ٤٧٠ کيلومټرو پر اوږدوالي د اوبو کانالونه جوړ کړي دي.
د دې پروګرام د افغانستان برخې د چارشنبې پر ورځ (د وري نههویشتمه ) په ایکس پاڼه کې لیکلي؛ په افغانستان کې کروندګر اوبو ته له لاسرسي پرته خپل ژوند روان ساتلی نشي.
دغه راز څرګنده شوې؛ د اوبو کانالونو له کروندګرو سره مرسته کړې، چې خپلو کورنیو ته خواړه برابر کړي او خپل اضافي تولیدات او محصولات وپلوري.
د خصوصي سکتورغړي هم وايي؛ د خوړو نړیوال پروګرام لهخوا په هېواد کې د اوبو د مدیریت لپاره د کانالونو له جوړولو هرکلی کوي او څرګندوي، چې د هېواد د اوبو مدیریت کولی شي افغانستان له فقر او اقتصادي بحران څخه وژغوري.
دا په داسې حال کې ده، چې له څو کلونو وچکالۍ وروسته؛ وروستیو اورښتونو د افغانستان کروندګر هیله من کړي، چې راتلونکی کال به ښه حاصلات ولري.
تازه خبرونه
په بیجینګ کې د چین او افغانستان درېیمه اقتصادي ناسته تر سره شوه
په بیجينګ کې د افغانستان اسلامي امارت او د چين ولسي جمهوريت د بهرنيو چارو وزارتونو د اړوند سياسي څانګو پر مشرۍ د بشري مرستو او اقتصادي بيارغونې پر ميکانيزمونو درېيمه ناسته ترسره شوه.
د افغانستان بهرنیو چارو وزارت ویاند عبدالقهار بلخي په ایکس پاڼه کې لیکلي، چې په دې ناسته کې د افغانستان د بهرنيو چارو وزارت پر استازیو سربېره د صنعت او سوداګرۍ، کانونو او پټروليم، د کډوالو او بېرته راستنېدونکیو چارو او د طبيعي پېښو پر وړاندې د امارت وزارت استازو ګډون کړی و.
دغه راز په دې ناسته کې د چين د سوداګرۍ، طبيعي سرچينو، د چين نړيوالې پراختيايي ادارې او نړيوالې همکارۍ ادارو استازو هم برخه اخیستې وه.
د بهرنیو چارو وزارت د څرګندونو له مخې؛ په دې ناسته کې له تېرو دوه نيمو کلونو راپدیخوا د طبيعي پېښو، جبري راستانه شویو کډوالو او روغتيا په برخه کې د مرستو پر میکانیزمونو بیا کتنه وشوه.
افغان پلاوي د چين د مرستو د ګټورتوب لپاره خپل وړانديزونه او سلا مشورې چينايي اړوند لوري ته وړاندې کړل.
چينايي لوري ژمنه کړې، چې له افغانستان سره به د چين بشري مرستې د افغان لوري د اړتياوو او لومړيتوبونو له پام کې نيولو سره تنظيم کړي. دغه راز به له افغانستان سره د جبري راستانه شویو کډوالو د مېشتېدو په برخه کې د چين د سل میلیون يوانو په مرستو کې د افغان لوري وړانديزونه هم په پام کې ونيول شي.
د چين سره صليب ټولنې ژمنه کړې، چې په چين کې به د افغان ماشومانو د زړه ناروغيو د درملنې د بيا پيل زمينه هم برابره کړي.
د عبدالقهار بلخي د څرګندونو له مخې؛ د افغانستان د اقتصادي بيارغونې ميکانيزم په چوکاټ کې د دواړو هېوادونو ترمنځ د سوداګرۍ پر زياتوالي په ځانګړي توګه چين ته د زیاتو افغان توکو د صادرولو د زمينې برابرولو، وړتیا لوړونې او په افغانستان کې د کانونو او معاصرې سوداګرۍ په برخه کې د چين د پانګونې د فرصتونو په اړه هر اړخیزې خبرې وشوې.
دواړو لوريو چين ته د افغانستان د جلغوزو له صادراتو وروسته د انارو د صادراتو زمينې د برابرولو د هرکلی ترڅنګ په افغانستان کې د نفتو د استخراج کچې لوړولو او د لوګر مس عینک کان د استخراج د پيلولو په برخه کې د وروستيو پرمختګونو په اړه خبرې وکړې او ټينګار وشو، چې د چارو د چټکتيا پر طرحو به غور وشي.
افغان لوري د چين پر ملاتړ د افغانستان د حکومت په ګڼو وزارتونو او ادارو کې د ملکي مامورينو د وړتیا لوړونې لپاره له روزنيزو پروګرامونو او افغانانو ته د سکالرشپونو د لړۍ له پراخولو هرکلی وکړ.
ویل کیږي، چې په دې ناسته کې د واخان اقتصادي دهلیز د اهميت او احتمالي ګټو او د دې کوريډور د پرانيستو پر امکاناتو هم بحثونه شوي دي.
-
لوبی5 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي4 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
نړۍ3 days ago
امريکا او متحدین یې پر ايران د نورو بنديزونو لګولو هڅې کوي
-
تازه خبرونه4 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
تازه خبرونه4 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ5 days ago
امریکا به پر ایران د اسرائیلو په ځوابي برید کې برخه وانخلي
-
لوبی3 days ago
آریانا ټلویزیون د ۲۰۲۴ پاریس المپیک سیالیو د خپراوي حق ترلاسه کړ
-
سیمه ییز خبرونه3 days ago
سعودي عربستان به په پاکستان کې پر بېلابېلو پروژو پانګونه وکړي