په ننګرهار کې، د داعش د وسلو یوه زیرمه موندل شوې

(Last Updated On: مارچ 31, 2018)

د ملي اردو سرتېرو د ننګرهار په خوږیاڼو ولسوالۍ کې، د داعش د وسلو یوه زیرمه نیولې، چې په کې درندې وسلې او ځانمرګي واسکټونه ساتل کیدل.

داعش په ننګرهار کې اوس هم ستر خطردی او داسې اندېښنې هم شته، چې د اوړي په موسم کې به خپل فعالیتونه پراخه کړي؛ خو سرتېري هڅه کوي، چې د یادې ډلې ملاماته کړي.

د ۲۰۱سیلاب قل اردو د څلورمې پلې لوا ريیس ارکان محمداجان وایي، چې د ملي اردو سرتېرو د خوږیاڼو ولسوالۍ د وزیرو په سیمه کې د داعش د وسلو یوه زیرمه نیولې، چې په کې سپکې او درندې وسلې، ځانمرګي واسکټونه، د ملي اردو څو جوړې لباس او سلګونه کیلوګرامه چاویدونکي توکي ساتل کیدل.

په خوږیاڼو کې د ملي اردو د څلورمې پلې لوا د لومړي کنډک قومندان رسول محمد وايي، د نیول شویو وسلو په تړاو دوه شکمن کسان هم نیول شوي.

هغه زیاتوي؛ داعش هڅه کوله، چې دا وسلې د جلال آباد په ښاري بریدنو کې وکاروي.

ملي اردو دا وسلې په داسې حال کې نیولي، چې د تېرې جمعې په ورځ هم د خوږیاڼو په ادوړ سیمه کې د داعش او طالبانو ترمنځ نښتې شوي.

ځايي استوګن وايي، د یادې ولسوالۍ په ځينو سیمو کې اوس هم داعش پراخې هڅې لري؛ خو د ملي ادرو مسوولین وايي، په تصفیه شویو سیمو کې له پوستو جوړلو وروسته به پاتې نورې سیمې هم له وسلوالو پاکې شي.

خبریال: رحمت الله زیارمل

About Ariana News

Check Also

کیدی شي طالبانو او خلیلزاد د بهرنیو ځواکونو پر وتلو هوکړه کړې وي

(Last Updated On: نوومبر 17, 2018) د سولي عالي شورا وایي، کیدی شي، چې طالب …