په هلمند کې موتر بم چاودنې لس سرتېرو ته مرګ و ژوبله اړولې

(Last Updated On: December 9, 2019)

یو شمېر سرچینو ویلي، چې د دې ولایت د نادعلی ولسوالۍ د ملي اردو د مرکز مخې ته په چاودنه کې اته سرتېري وژل شوي او دوه نور ټپیان دي.

د سرچینو د څرګندونو له مخې؛ نن سهار لس بجې د نادعلی ولسوالۍ د تورپل په سیمه کې د کامران پر پوځي مرکز له چاودیدونکيو توکو حخه د ډک مازدا موتر چاودنه شوې ده.

د هلمند والي ویاند عمر ځواک د چاودنې رامنځته کیدل مني؛ خو د تلفاتو په اړه دېر څه نه وایي.

د ملي دفاع وزارت په یوه اعلامیه کې د چاودنې رامنځته کیدل منلي او څرګندوي، چې نن سهار لس بجې یو ځانمرګی، چې پر موتر سایکل سپور و او غوښتل یې ، چې د ۲۱۵ قول اردو د درېیمې لوا د لومړي کنډک پر یوه پوسته برید تر سره کړي؛ خو کله، چې اړوند پوستې ته نږدې کیږي؛ د ملي اردو ځواکونه یې پېژني او پرې ډزې کوي او همدلته ځانته چاودنه ورکوي.

د یاد وزارت د څرګندونو له مخې په دې چاودنه کې ۵ سرتېري وژل کیږي او ۴ نور ټپیان دي.

طالبانو په یوه خبرپاڼه کې د پېښې مسوولیت منلی؛ خو د تلفاتو په اړه څه نه وایي.

هلمند د جنوبي ولایتونو یو ناامنه ولایت دی، چې په یو شمېر سیمو کې یې طالبان پراخې هڅې تر سره کوي.

About Ariana News

Avatar

Check Also

ولسي جرګې د ۱۳۹۹ مالي کال بودجه تصویب کړه

(Last Updated On: January 22, 2020)ولسي جرګه له ډېرو ناندریو وروسته بریالۍ شوه، چې د …