په کونړ کې د پاکستانیو ځواکونو پر ډزو دوه ملکي ګړي وژل شوي

(Last Updated On: October 28, 2019)

د کونړ د ناړۍ ولسوالۍ په اړوند سیمه کې له تېرو دوه ورځو راپدیخوا د افغان او پاکستانيو پوله ساتي ځواکونو تر منځ په نښته کې د پاکستانیو ځواکونو پر ډزو دوه سیمه ییز ملکي وګړي وژل شوي او څلور نور ټپیان دي.

د افغان پوله ساتو ځواکونو او پاکستاني ملیشو تر منځ نښته د یکشنبې پر ورځ( د لړم ۵)  پیل شوې او له لنډې دمې وروسته د دوشنبې پر سهار بیا پیل شوه.

د دې نښتې دلیل د پاکستانيو ملیشو لخوا په دې ولسوالۍ کې د پوستې جوړول یاد شوي دي.

د کونړ والي عبدالستار میرزکوال وایي، د پاکستانيو ځواکونو په توغندیزو بریدونو کې یو شمې عامو خلکو ته مرګ و ژوبله اوښتې، چې ښځې او ماشومان هم په کې دي.

نوموړي زیاته کړې، چې دغه نښتې پاکستنانيو ملیشو پیل کړې دي.

د ناړۍ ولسوالۍ اوسیدونکي  وايي، د پاکستانيو ځواکونو توغندیزو بریدونو نور ستړي کړي او حکومت دې د دې حالت مخنیوی وکړي.

افغان ځواکونو او پاکستانيو ملیشو وړاندې له دې هم د پاکستانيو ځواکونو لخوا د سرحدي سرغړونو له کبله په خپلو کې نښتي دي.

خبریال: رحمت الله زیارمل

About Ariana News

Avatar

Check Also

افغانستان د سولې له هوکړې سره سم نږدې ۸ میلیارد دالرو ته اړتیا لري- نړیوال بانک

(Last Updated On: December 6, 2019)نړیوال بانک پخپل یو تازه راپور کې په ډاګه کړې؛ …