په لوګر کې د طالبانو پر برید دوه ښځینه زدکوونکیو ته مرګ و ژوبله اوښتې

(Last Updated On: September 16, 2019)

امنیتي چارواکو ویلي، چې د لوګر ولایت په محمدآغه ولسوالۍ کې د وسلوالو طالبانو د برید له کبله دوه ښځینه زدکوونکیو ته مرګ و ژوبله اوښتې ده.

د لوګر امنیتي مسوولین وایي؛ د دوشنبې پر ورځ( د وږي ۲۵) سهار مهال په محمدآغه ولسوالۍ کې د افغان ځواکونو او وسلوالو طالبانو تر منځ نښته شوې، چې د وسلوالو د ډزو له کبله د دغې ولسوالۍ د نجونو د لیسې یوې زدکوونکې خپل خوږ ژوند له لاسه ورکړی او یوه بله هم ټپي ده.

د لوګر د امنیه قومندانۍ ویاند شاپور احمدزي آریانانیوز ته څرګنده کړې، چې د افغان ځواکونو د موتر کاروان، چې له محمداغې ولسوالۍ پل عالم ته پر لار و له برید سره مخ شوی، چې په کې افغان ځواکونو ته ځاني تلفات ندي اوښتي.

 طالبانو ویلي، چې امنیتي ځواکونو په محمد آغه ولسوالۍ کې د خلکو پر کورونو هاوانونه توغولي، چې په کې يوه ښځینه زدکوونکې وژل شوې او یوه بله ټپي ده.

لوګر یو له ناامنه ولایتونو څخه دی، چې په یو شمېر ولسوالیو کې یې طالبان پراخې هڅې لري.

About Ariana News

Avatar

Check Also

د تخار ولایت د شولو په حاصلاتو کې ډېروالی راغلی

(Last Updated On: October 17, 2019)د تخار د کرنې او مالدارې ریاست ویلي؛ په تېرو …