عاجل خبرونه

په لوګر ولایت کې ۷۹۰ کیلو ګرامه ګرمه چرس ونیول شول

(Last Updated On: April 23, 2019)

د لوګر ولایت پولیسو څرګنده کړې، چې په دې ولایت کې پولیسو ۷۹۰ کیلو ګرامه ګرمه چرس کشف او دری تنه وسلوال ساتونکي یې ووژل شول.

د لوګر ولایت امنیه قومندان سمونوال رحم خدا مخلص تېره ورځ رسنیو ته په خپلو خبرو کې وویل، چې یاد عملیات تېره شپه د لوګر ولایت د خوشي ولسوالۍ اړوند په کافر دره سیمه کې ترسره شوي دي.

د نوموړي د څرګندونو له مخې؛ پولیسو څه نا څه یو ساعت له دښمن سره په مخامخ نښته کې ښکېل شول، چې په پایله کې یې دری تنه وسلوال وژل شوي؛ یو دادسن موتر، چې د راوړلو امکانات یې نه و د پولیسو لخوا له منځه وړل شوی او وسوځول شو.

هغه زیاتوي؛۷۹۰ کیلو ګرامه چرس، چې په بوریو کې ځای پر ځای شوې وه د ولایت امنیه قومندانی ته ولیږدول شول.

د لوګر د پوليسو وياند څارمن شاهپور احمدزي وایي، چې یوازې دا عملیات بسنه نکوی؛ مونږ به ورته ځانګړي او ګډ پلانونه روان وساتو. هيڅ زور واکی، کاچاق کوونکی،غاصب او غلو ته به په لوګر ولایت کې وخت ورنکړو، چې قانون تر پښو لاندی کړي.

About Ariana News

Check Also

په کابل کې د مشرانو جرګې سلاکار له ترهګرو سره د ملګرتیا پر تور نیول شوی

(Last Updated On: May 24, 2019)کورنیو چارو وزارت د مشرانو جرګې سلاکار، ترهګرو ته په …