Connect with us

تازه خبرونه

په ننګرهار کې د هیچا سر او مال خوندي نه دی- ولایتي شورا

خپور شوی

د

(Last Updated On: لړم ۲, ۱۴۰۱)

د ننګرهار ولایتي شورا وايي، په دې ولایت کې ملکي ادارې تړل شوي؛ د هیچا سر او مال خوندي نه دی او مسوولین د حالاتو په کابو کولو کې پاتې راغلي.

د ننګرهار ولایتي شورا غړي په لومړي ځل د ننګرهار د ناسم حالت په اړه یوه خوله شوي او د دې شورا په انګړ کې د ننګرهار پر خراب  امنیتي او سیاسي حالت د بحث لپاره راټول شوي او وايي، په ننګرهار کې د هیچا سراو مال خوندي نه دی.

د ننګرهار د ولایتي شورا رييس احمدعلي حضرت وايي، مرکزي حکومت له ننګرهاریانو سره غولوونکی چلند کوي.

د نوموړي د څرګندونو له مخې؛ د ننګرهار ولایت د امنیتي او سیاسي حالاتو په اړه مو سیمه ییز او مرکزي حکومت خبر کړی؛ خو پاملرنه ورته نده شوې.

هغه زیاتوي؛ مسوولین ننګرهار ته د افغانستان د یوه ولایت په سترګه نه ګوري؛ ځکه راکتونه پرې لګیږي، خو ان پټیږي او د تلفاتو په اړه یې څه نه ویل کیږي.

د شوراغړي اجمل عمر وایي، د بریدونو له وېرې د ننګرهار ټولې ملکي ادارې تړل شوي، ريیسان یې په چکرونو کابل ته تللي یا په میلمستونونو کې ناست دي او مامورین یې له کورنو نه راوځي او د مراجعینو کارونه په ټپه ولاړ دي.

د شورا بل غړي ناصرکاموال وویل، د ننګرهار نوي لوړپوړي ملکي او نظامي مسوولین په خپلو دندو کې پاتې راغلي.

ښاغلی محمدناصرکاموال زیاته کړې؛ ولسمشر، چې د ننګرهار ولایت امنیتي او سیاسي مسوولینو ته وخت ورکړی و؛ پر دغو چارواکو امنیتي او سیاسي وضعیت نور هم خراب شوی دی.

نوموړي له ولسمشره وغوښتل، چې د ننګرهار د امنیي حالاتو په اړه دې خپله ژمنه پوره کړي او د سیمه ییزو، امنیتي او کشفي بنسټونو په اړه دې له بشپړې پاملرنې کار واخلي.    

په دې ناسته کې ځینو استازیو دا هم وویل، چې د د اعش مرکزونه پر ولسوالیو سربېره په ښار کې هم ښکاره دي؛ خو مسوولین پرې سترګې پټوي.

دوی وویل، چارواکي د ننګرهار په اړه مرکز ته ناسم معالومات ورکوي.

د ننګرهار د ولایتي شورا منشي حمیرآ رفیع وایي، چې خلک په تنګ شوي او د تېښتې لار لټوي. ان دندو او کارونو ته تلګ نشي کولی.

  د ولایتي شورا غړی سهراب قادري وایي، داعش په ښکاره په ښار، ولسوالیو او کلیو کې اوسیږي؛ زمونږ سیمه ییز امنیتي او سیاسي چارواکي دا وړتیا نلري،  چې د دوی د هڅو مخه ونیسي.

د ننګرهار امنیه قومندان تائيدوي، چې ننګرهار له لوړ امنیتي ګواښ سره مخ دی.

د ننګرهار امنیه قومندان غلام سنايي ستانکزی وایي، چې په ننګرهار کې دښمن حضور لري؛ داعش، طالبان، القاعده او د طالبانو سره قطعه خپلې هڅې ترسره کوي.

د نوموړي په وینا؛ د دغو ګواښونو په اړه مونږ جدي تدابیر لرو او هڅې روانې دي، چې مخه یې ونیول شي.   

د ولایتي شورا د رييس د څرګندونو له مخې؛ په تېرو درې میاشتو کې څه نا څه اته سوه ملکي وګړیو ته مرګ و ژوبله اوښتې او د مسوولینو د بې کفایتۍ او بې تفاوتۍ له کبله مخالیفین د ګڼو سیمو پرنیولو بریالي شوي هم دي.

خبریال: رحمت الله  زیارمل

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!