عاجل خبرونه

په لوګر کې وسلوالو طالبانو یو شمېر ښوونځي تړلي

(Last Updated On: جولای 7, 2018)

د لوګر ولایت سیمه ییزو چارواکو په ډاګه کړې، چې د لوګر ولایت په محمداغې ولسوالۍ کې وسلوالو طالبانو له درې ورځو راهیسې د نجونو او هلکانو یو شمېر ښوونځي تړلي دي.

 د لوګر د پوهنې ریاست ویاند محمد شاپور عرب وايي؛ طالبانو د یادې ولسوالۍ د ټولو ښوونځیو امرینو ته خبرداری ورکړی، چې د دوی تر دوه یم امره دې ټول دغه ښوونځي تړلي وي.

 د عرب په وینا؛ په دې ولسوالۍ کې د نجونو او هلکانو ۶۴ ښوونځي شته، چې د دیارلس زره او ۳۵ نجونو په ګډون څلور دېرش زره پېنځه سوه او ۹۵ هلکانو په کې زدکړې کولې.

د نوموړي د څرګندونو له مخې؛ یوازې د ۲۵ ښوونځیو د زدکوونکیو څلورنیم میاشتنۍ آزموینه پیل شوې ده.

 د لوګر د پوهنې ریاست ویاند ویلي، طالبانو په دې ولسوالۍ کې یاد ښوونځي د افغان ځواکونو د ترسره شویو عملیاتو په غبرګون کې تړلي دي.

About Ariana News

Check Also

حکومت د سولې عالي مشورتي بورد غړي اعلام کړل

(Last Updated On: دسمبر 11, 2018) د افغانستان د ملي امنیت شورا په ډاګه کړې، …