عاجل خبرونه

په ننګرهار کې دوه وسلوال طالبان نيول شوي

(Last Updated On: May 06, 2018 2:54 pm)

د ننګرهار سیمه ییزو چارواکو په ډاګه کړې، چې د دې ولایت د شېرزاد او نازيان ولسواليو په اړوند سیمو کې د ملي امنيت ریاست موظفينو دوه وسلوال طالبان نيولي دي.

د ننګرهار ولایت د رسنیو دفتر د څرګندونو له مخې؛ خالد نومی، چې د مولوي نورعالم تر مشرۍ لاندې يې په شېرزاد ولسوالۍ کې تخريبي هڅې تر سره کولې د يادې ولسوالۍ په ټوټو سيمه کې نيول شوی.

همدا راز نقيب الله نومی یو بل وسلوال طالب، چې په اصل کې د پکتيا ولايت اوسيدونکی دی او اوس په بټيکوټ ولسوالۍ کې ژوند کوي؛ د نازيانو ولسوالۍ په اړوږند سیمه کې ونيول شو.

نوموړي اعتراف کړی، چې د نصرت کوچي له لوري د وسلوالو طالبانو په ليکه کې جذب شوی و او اوس، چې پاکستان ته د ترايننګ او زدکړو په موخه روان و؛ ونیول شو.

وسلوالو طالبانو تر دې دمه د پېښې په اړه څه نه دي ویلي.

د هېواد په ختیځ کې ننګرهار ولایت یو له ناامنه ولایتونو څخه دی، چې داعش او طالبان یې په لیرې پرتو سیمو کې پراخې هڅې تر سره کوي.

About Ariana News

Check Also

په بلخ کې له ۹ ورځني ځنډ وروسته د ټاکنو کمیسیون ور خلاص شو

(Last Updated On: September 23, 2018 2:19 pm) په بلخ کې د لوی ملي ائتلاف …