عاجل خبرونه

په هلمند کې موتر بم چاودنې د یو سرتېري په ګډون ۵ کسان ووژل

(Last Updated On: اپریل 28, 2018)

د هلمند ولایت په نادعلي ولسوالۍ کې موتر بم چاودنې د یوه سرتېري په ګډون ۵ کسان ووژل او لس نور یې ټپیان کړي دي.

ویل کیږي، چې په ټپیانو کې درې امنیتي سرتېري هم شته.

د هلمند ولايت نادعلي ولسوالۍ په لوی باغ سيمه کې د ملي اردو پر دوه یم کنډک سرتېری بريد شوی.

د ۲۱۵ میوند قول اردو چارواکي وايي، پېښه نن سهار ۸ بجې رامنځته شوې ده.

د هلمند ولایت سیمه ییزو چارواکو ویلي، چې د پېښې ټپیان د لښکرګاه ښار ایمر جنسي روغتون ته لیږدول شوي دي.

د بريد مسووليت طالب وياند قاري یوسف احمدي منلی او په خپل تویت کې یې لیکلي، چې په دې برید کې د ملي اردو څه نا څه ۳۰ سرتېرو ته مرګ و ژوبله اوښتې؛ دوه شوبلي او يو رېنجر موتر په بشپړ ډول له منځه تللي دي.

د هېواد د جنوبي ولایت هلمند ډېرې سیمې دمګړۍ د طالبانو تر ولکې لاندې دي او د ځینو څرګندونو له مخې د دې ولایت په ۵ ولسوالیو کې ټاکنې نه تر سره کیږي.

About Ariana News

Check Also

خلیلزاد د ولسمشریزو ټاکنو د ځنډیدو وړداندیز کړی

(Last Updated On: نوومبر 13, 2018) وال ستریت ژورنال په ډاګه کړې، چې، ترمپ د …