په میدان وردګ کې د یو قومندان په ګډون ۱۵ وسلوال طالبان وژل شوي

(Last Updated On: دسمبر 24, 2017)

د میدان وردګ ولایت د سیدآباد ولسوالۍ د سلطان خېلو په اړوند سیمو کې خیبر ۷ نومو عملیاتو په لړ کې د یو مشهور قومندان  په ګډون ۱۵ وسلوال طالبان وژل شوي.

د میدان وردګ ولایت په سیدآباد ولسوالۍ کې د ګډو امنیتي او دفاعي ځواکونو له خوا عملیات پیل شوي، چې مشري یې د ملي اردو څلورمې پلې لوا قومندان برید جنرال عبدالرازق ساپی کوي.

د میدان وردګ ولایت ویاند عبدالرحمان  منګل وایي، تر دې دمه په دې عملیاتو کې د طالبانو  د یو مشهور قومندان فیاض په ګډون ۱۵ وسلوال طالبان وژل شوي، یو طالب له درۍ میله وسلو سره یو ځای ژوندی نیول شوی او همدارنګه  د دې عملیاتو په لړ کې یوه پایه مخابره،  درۍ مو ترسیکلونه، یو هایلکس موتر، لاسي بمونه او چاودیدونکي توکې د امنیتي او دفاعي ځواکونو لاسته ورغلي دي.

د دې عملیاتو اساسي موخه له غزني ولایت سره د برښنا مزو نښلول دي، چې د عملیاتو  په وړاندې وسلوالو طالبانو د سید آباد ولسوالۍ د سلطانخېلو په یو شمېر سیمو کې د برښنا شرکت انجنیرانو د کار او د لین غزولو مخه نیوله.

اوسمهال سیمه له وسلوالو مخالفینو پاکه شوې او عملیات په بریالیتوب سره روان دي او ډېر ژر به له غزني ولایت سره د برښنا مزي و نښلول شي.

About Ariana News

Check Also

پاکستان د ترمپ د څرګندونو په وړاندې تند غبرګون ښکاره کړی

(Last Updated On: نوومبر 20, 2018) د پاکستان لومړي وزیر عمران خان د امریکا د …