په میدان وردګ کې د طالبانو له زندانه ۱۳ کسان خوشې شوي

(Last Updated On: June 20, 2019)

کورنیو چارو وزارت په ډاګه کړې، چې د پنجشنبې پر ورځ( د غبرګولي ۳۰) په میدان وردګ ولایت کې ځانګړیو ځواکونو د طالبانو له زندان څخه ۱۳ کسان خوشې کړي دي.

د یاد وزارت په خبرپاڼه کې راغلي، چې ځانګړیو امنیتي ځواکونو د دغه ولایت په چک ولسوالۍ کې د طالبانو یو زندان مات کړی او د ۱۳ بندیانو له خوشې کولو وروسته یې ویجاړ کړی دی.

دغه راز ویل کیږي، چې د امنیتي ځواکونو په اړوند عملیاتو کې د وسلوالو طالبانو د مهماتو یوه زیرمه هم له منځه وړل شوې او یو سراچه ډوله موتر یې هم سوځول شوی دی.

د خبرپاڼې د څرګندونو له مخې؛ له اړوند سیمې څخه امنیتي ځواکونو د ملا جانان نومي په ګډون څو شکمن کسان هم له ځان سره وړي دي.   

طالبانو د دغې پېښې په اړه تر دې دمه څه ندي ویلي.

د یادونې ده، چې امنیتي ځواکونو د هېواد په بېلابېلو ولایتونو کې د طالبانو یو شمېر زندانونه مات کړي او د سرتېرو په ګډون یې یو شمېر عام وګړي او دولتي کارکوونکي ترې راخوشې کړي دي.

About Ariana News

Avatar

Check Also

طالبانو په یو شمېر ولایتونو کې د لسګونه ښوونځیو دروازې تړلي

(Last Updated On: September 22, 2019)طالبانو لسګونه ښوونځي په دې دلیل، چې ور څخه د …