Connect with us

تازه خبرونه

کندهاریانو د ولسي جرګې په ټاکنو کې پراخ ګډون پیل کړی

خپور شوی

د

(Last Updated On: لړم ۳, ۱۴۰۱)

په کندهار کې د ولسي جرګې ټاکنې له اووه ورځني ځنډ وروسته د شنبې پر ورځ( د لړم ۵) له ټاکلي وخت دوه ساعته وروسته پیل شوې؛ خو په کې خلکو پراخ ګډون کړی دی.

ویل کیږي، چې ۱۷۲ مرکزونه او ۱۱۱۳ محلونه د کندهار په مرکز او ولسوالیو کې د خلکو د رای ورکولو لپاره پرانستل شوي دي.

دغه راز په رای مرکزونو او محلونو کې ښځې او نرینه، چې نوملیکنه یې کړې؛ د خپلې رایې د کارولو لپاره په لیکو کې دریدلي او خپل حق کاروي.

په دغه ولایت کې ۱۱۱ کسانو د ښځو او نرینه وو په ګډون د ولسي جرګې څوکیو ته ۱۱ ځانونه نوماند کړي او سیالۍ ته دریدلي دي.

د کندهار ولایت په ټولو ولسوالو کې پرته له نیش او معروف ولسوالیو د رای ورکولو بهیر روان دی. که څه هم امنیتي ګواښونه شته؛ خو د کورنیو چارو وزارت ویاند وایي، چې شپږ زره امنیتي او دفاعي ځواکونو په مرکز او ولسوالیو کې د رای مرکزونو امنیت خوندي کړی او تر دې دمه کوم امنیتي ګواښ نه دی رامنځته شوی.

د ټاکنو خپلواک کمیسیون په کندهار کې د ولسي جرګې د ټاکنو لپاره د رای ورکولو بهیر د ماښام تر شپږ بجو وغزاوه.

د ټاکنو خپلواک کمیسیون ویاند عبدالعزیز ابراهیمي وایي، چې په کندهار کې ټاکنیز بهیر ښه روان و او ښه چمتوالی نیول شوی و.

ویل کیږي، چې د غزني ولایت د ولسي جرګې ټاکنې به په راروان کال کې له ولسمشریزو ټاکنو سره تر سره شي. د ولسي جرګې سراسري ټاکنې د روان کال د تلې پر ۲۸ او ۲۹ تر سره شوي دي.

په کندهار کې د ولسي جرګې د رای ورکولو بهیر هغه وخت یوه اوونۍ وځنډیده، چې یوه برید کوونکي د دغه ولایت په مقام کې پر یو شمېر حکومتي چارواکو ډزې وکړې او د دغه ولایت د امنیت رییس او امنیه قومندان یې وواژه او یو شمېر نور یې ټپیان کړل.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!