په پکتیا ولایت کې له ۵۰ ډېرو وسلوالو طالبانو ته مرګ و ژوبله اوښتې

(Last Updated On: سپتمبر 1, 2018)

د پکتیا امنیتي چارواکي وايي، ائتلافي ځواکونو تېره شپه د احمدابا ولسوالۍ په زرګل سیمه کې د وسلوالو مخالفینو پر ټولیو بریدونه کړي، چې په پایله کې یې ۳۳ تنه وسلوال طالبان وژل شوي او ۲۲ نور ټپیان دي.

د والي ویاند عبدالله حسرت وایي، چې په دې بریدونو کې د وسلوالو طالبانو ګڼ شمېر سپکې او درندې وسلې هم له منځه تللې دي.

وسلوالو طالبانو ویلي، چې پر طالبانو دغه راز کوم برید ندی شوی.

د هېواد په جنوبي ولایتونو کې پکتیا یو له ناامنه ولایتونو څخه دی، چې ان سیمه ییز چارواکي یې ګردیز ته نږدې سیمې هم ناامنه بولي.

About Ariana News

Check Also

د ناتو پر هوایي ملاتړ دغزني او روزګان په ګډون په ټول هېواد کې عملیات روان دي

(Last Updated On: نوومبر 17, 2018) د غزني په جاغوري او مالستان ولسوالیو کې د …