تازه خبرونه
په جلال آباد کې د جاوید زمان پر پلویانو ځانمرګی برید شوی
د شنبې پر سهار( د وږي ۳) د جاویدزمان پلویانو یو ځل بیا د ښار په ۵ ناحیه کې د ټاکنو کمیسیون مخې ته د احتجاج خیمه ووهله؛ خو د ورځې پر یوولس نیمو بجو د خیمې په پنځوس مترۍ کې چاودنه رامنځته شوه.
امنیه قومندان غلام سنايي ستانکزی وايي، یو ځانمرګي غوښتل ځان خیمې ته ورسوي؛ خو د جاویدزمان د پلویانو له خوا یې په تالاشۍ کې ځان ته چاودنه ورکړه.
امنیه قومندان زیاته کړې؛ په دې ځانمرګي برید کې دوه تنه وژل شوي او پېنځه ټپیان دي.
هغه دا هم ویلي، چې تلفات د جاویدزمان پلویانو ته اوښتي دي.
د ولسي جرګې د ټاکنو له نوملړه ایستل شوی نوماند جاوید زمان غمشریک وايي، ۲۴ ساعته وړاندې مو په رسمي ډول د احتجاج کوونکیو د امنیت ساتنې غوښتنه کړې وه.
د چاودنې پرمهال په خیمه کې د عدالت غوښتنې شعارونه بدرګه کیدل.
معترضانو له چاودنې وروسته خپل قربانیان پورته کړل، بېرته خیمې ولاړل او ویې ویل تر وروستۍ سلګۍ له خپلې غوښتنې نه په شاه کېږي.
قومي مشر محمد عالم وایي، امنیه قومندان د خیمې د لیرې کولو هڅه کړې؛ خو قسم په خدای، چې مونږ به د خپلې غوښتنې لپاره د وینو لښتي روان کړو.
د دوی په وینا؛ د کمییسون کارکوونکي د کار لپاره په نظامي موترو کې دفتر ته د ننه شوي، چې انتخاباتي چارې تر سره کړي.
په ننګرهار کې د ټاکنو خپلواک کمیسیون ولایتي دفتر مشر ذبیح الله وګړی وایي، اعتراض د دوی مدني او قانوني حق دی؛ خو خو زمونږ د کارونو خنډ دې نه ګرزي
معترضان وايي، په ناعادلانه ډول له نوملړ څخه د جاوید زمان ویستلو، د خیمې د امنیت په اړه د حکومت بې غورۍ او د پولیسو له تالاشۍ څخه د معترضانو تر تالاشۍ پورې د ځانمرګي رارسیدو ورته ګڼې پوښتنې پيدا کړي.
مسوولین یې په غبرګبرګون کې وايي، چې د چاودنې په اړه به څېړنې وکړي.
د یادونې ده، چې له برید وروسته هم د کمیسیون مخې ته د احتجاج خیمه ولاړه ده او اعتراض دوام لري. خبریال: رحمت الله زیارمل
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه1 day ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
نړۍ23 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
لوبی23 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري