په پکتیا کې د افغان ځواکونو پر هوایي بریدونو ۵۱ طالبان وژل شوي

(Last Updated On: جولای 12, 2018)

د پکتیا په احمد ابا ولسوالۍ کې د افغان ځواکونو په هوايي برید کې ۵۱ وسلوال طالبان وژل شوي دي.

وسلوالو طالبانو تېره شپه د یادې ولسوالۍ د مچلغو د بند پر ساتونکیو او نورو امنیتي پوستو ډله ييز بریدونه کړي، چې له اوږدې جګړې وروسته په سیمه کې د افغان ځواکونو لخوا پر وسلوالو هوايي برید هم شوی، چې ۵۱ وسلوال په کې وژل شوي دي.

د پکتیا امنیه قومندانۍ ویاند سردار ولي تبسم وايي، په یاده نښته کې څلورتنه پولیس وژل شوي او اووه نور ټپیان دي.

د یادولو ده، چې د پکتیا په زرمت ولسوالۍ کې هم له تېرې شپې راپدیخوا د افغان ځواکونو لخوا هوايي بریدونه پیل شوي، چې وسلوال طالبان په کې حاکم دي.

د دواړو پېښو په اړه تازه څرګندونې د بشپړیدو په حال کې دي.

About Ariana News

Check Also

کیدی شي طالبانو او خلیلزاد د بهرنیو ځواکونو پر وتلو هوکړه کړې وي

(Last Updated On: نوومبر 17, 2018) د سولي عالي شورا وایي، کیدی شي، چې طالب …