په کندهار کې د وسلوالو په برید کې پېنځه پولیس وژل شوي

(Last Updated On: جون 10, 2018)

چارواکي وایي، تېره شپه د کندهار ولایت د ارغنداب ولسوالۍ په ناګهان سیمه کې وسلوالو د پولیسو پر یوه مرکز برید کړی، چې په کې پېنځه پولیس وژل شوي دي.

د کندهار والي ویاند داوود احمدي وايي، په دغه برید کې درې سیمه ییز پولیس او دوه ملي پولیس وژل شوي او دوه سیمه ییز او یو ملي پولیس ټپیان دي.

هغه زیاته کړې، چې په دې برید کې وسلوالو ته هم مرګ و ژوبله اوښتې؛ خو په ارغنداب ولسوالۍ کې یوه امنیتي سرچينه، چې نه غواړي نوم يې یاد شي وایي؛ په دغه برید کې د سيمه يیزو پوليسو په ګډون ۱۲ پوليس وژل شوي او ۳ نور ژوبل دي.   

About Ariana News

Check Also

اترا له مخابراتي شرکتونو غوښتې، چې د خپلو ګډونوالو خوښې ته پاملرنه وکړي

(Last Updated On: فبروري 21, 2019) د مخابراتي خدمتونو تنظیم ادارې( اترا) له مخابراتي شرکتونوغوښتي، …