عاجل خبرونه

په کندوز کې ۹ وسلوالو طالبانو ته مرګ و ژوبله اوښتې

(Last Updated On: June 3, 2018)

سیمه ییزو چارواکو په ډاګه کړې، چې د دغه ولایت د امام صاحب ولسوالۍ په کنجک او وردکي سیمو کې امنیتي ځولاکونو له وسلوالو طالبانو سره نښته کړې؛ څلور وسلوال یې وژلي او ۵ نور ټپیان دي.

دغه راز چارواکو په ډاګه کړې، چې د دې ولایت د ارچي ولسوالۍ د شاهروان کلي د ترکمنو په اړوند سیمو کې د ملي اردو ځانګړیو ځواکونو عملیات تر سره کړي، چې په کې د طالبانو د اکمالاتو مسوول حاجي نجیب الله او د ارشاد او دعوت مسوول شاه محمود ژوندي نیول شوي دي.

په سیمه کې د مرکزي آسیا د وسلوالو شتوالی، د پاکستان او روسیې د سیاسي همکاریو پراختیا، د مخدره توکو کار و بار او د سیمه ییزو زورواکانو شتون هغه څه دي، چې شنونکي یې د کندوز ولایت په ناامنه کولو کې د یادونې وړ بولي.

افغان امنیتي او دفاعي ځواکونو له هغې وروسته، چې له بهرنیو ځواکونو بشپړ امنیتي مسوولیتونه تر لاسه کړي؛ تر دې دمه د افغانستان د وسلوالو مخالفانو سره په نښته کې ښکېل پاتې دي.

About Ariana News

Avatar

Check Also

په بګرام کې ځانمرګي برید ائتلافي ځواکونه ندي زیانمن کړي-غوڅ ملاتړ ماموریت

(Last Updated On: August 24, 2019)تېره شپه یوولس بجې د بګرام ولسوالۍ په صیاد سیمه …