عاجل خبرونه

په کندهار کې موتر بم برید له ۱۱۱ څخه ډېرو کسانو ته مرګ و ژوبله اړولې

(Last Updated On: July 19, 2019)

سیمه ییزو چارواکو ویلي، چې د کندهار ولایت د امنیه قومندانۍ د مخدره توکو د مدیریت پر دروازه موتر بم برید شوی، چې له چاودنې وروسته امنیتي ځواکونه له دوه بریدګرو سره ښکېل شوي دي.

د کندهار والي ویاند زیاته کړې، چې دغه موتر بم برید مازیګر څلورنیمې بجې( د چنګاښ ۲۷) د امنیه قومندانۍ د مخدره توکو د مدیریت په دروازه کې رامنځته  او له چاودنې سره سم له امنیتي ځواکونو سره جګړه پیل شوې، چې اوس هم روانه ده.

د کندهار والي ویاند احمدي ویلي موتر بم برید د ښار په پېنځمه امنیتي حوزه کې د امنیه قومندانۍ د مخدره توکو د مدیریت پر دروازې شوی دی.

ویل کېږي، چي ځانمرګو بریدګرو له چاودني سره سم حمله کړې ده.

ویل کیږي، چې په دې برید کې درې درندې چاودنې شوي دي.

د یو شمېر څرګندونو له مخې؛ د برید پرمهال د کندهار امنیه قومندان په قومندانۍ کي نه و.

د کندهار حوزوي روغتون مسوولینو ویلي، چې په دې برید کې ۱۱ کسان وژل شوي او له سل ډېر نور  ټپیان دي.

طالبانو د کندهار پر امنیه قومندانۍ د برید او چاودنو مسوولیت پر غاړه واخیست او وایي، چې بریدګر له درندو وسلو ، چاودیدونکیو اورنیو توکو سره یادې ودانۍ ته ننوتي دي.

About Ariana News

Avatar

Check Also

د تاوتریخوالي کمښت باید د ملکي زیانونو کچه تر صفره راټیټه کړي- د بښنې نړیواله ټولنه

(Last Updated On: January 25, 2020)د بښنې نړیوال سازمان اعلان کړی، چې د طالبانو او …