په پکتیا کې ۲۵۰ کسانو حرفوي زدکړې تر لاسه کړې

(Last Updated On: May 2, 2019)

د پکتیا د کار او ټولنیزو چارو ریاست له لوري د دې ولايت له بېلابېلو ولسواليو د ۱۳۰ ښځينه وو په ګډون ۲۵۰ تنو په خیاطۍ، موتر سایکل او موبایل جوړونې، نجارۍ او برښنا برخو کې شپږ میاشتنۍ زدکړې تر سره کړې.

د پکتیا د کار او ټولنیزو چارو ریاست رییس محبوب سلام زی  وايي؛ په راتلونکیو کلونو کې غواړو دې ته ورته نور پروګرامونه هم ولرو، چې بېوزله خلکو ته د کار زمینه برابره شي.

نوموړی زیاتوي؛ د امنيتي ځواکونو په ليکو کې د وژل شويو کسانو کورنیو، معيوبينو او بې وزله کسانو ته په دغو زدکړو کې لومړیتوب ورکوو او د اړوند څنګې ځينې  اړين وسايل هم پرې وېشل کیږي، چې د کورنۍ لپاره ترې يوه مړۍ ډوډوۍ تر لاسه کړای شي.

د کار او ټولنیزو چارو وزارت څرګنده کړې، چې د تېرو کلونو په پرتله په هېواد کې بي کاري کمه شوې ده.

لدې زدکړو فارغ ګل ناز افغان وايي، که د کار زمينه ورته برابره شي د کورنۍ ټولې اړتياوې پوره کولی شي.

نبي نومی له مسوولينو غواړي، چې په دې برخه کې ورسره همکاري وکړي.

صابره نومې وایي، چې  د پکتیا د نورو اوسیدونکیو لپاره دې هم ورته پروګرامونه په نظر کې ونیول شي.

د ثور۱۱ د کارګر نړیواله ورځ په داسې حال کې نمانځل کېږي، چې اوس هم شاوخوا تر دری میلیون ډېر کسان بیکاره دي.

خبریال:  فریدالله احمدزی

About Ariana News

Avatar

Check Also

سولې ته د زرګونه طالب جنګیالیو د راګرزولو پر پروګرام کار ندی شوی- جان سپکو

(Last Updated On: September 20, 2019)د افغانستان په بیارغونه کې د امریکا د څار ادارې(سیګار) …