Connect with us

تازه خبرونه

په پاړه چنار کې موتربم چاودنې نږدې ۱۰۰ کسانو ته مرګ و ژوبله اړولې

خپور شوی

د

(Last Updated On: لړم ۲, ۱۴۰۱)

_95404944_924a4659-6e84-4b44-8bc3-9285ef0d7e3c

د پاکستان د کرمې ایجنسۍ په پلازمېنه پاړه چنار کې موتر بم چاودنې نن سهار  نږدې ۱۰۰ کسانو ته مرګ و ژوبله اړولې ده.

رپوتونه وايي، له چاودیدونکیو توکو ډک موتر د جومات هغې دروازې ته نږدې درول شوی و، چې د جمعې د لمانځه لپاره ښځې پرې ننوتې.

ویل کیږي، چې په دې چاودنه کې ۲۲ کسان وژل شوي او پاتې نور ټپیان دي.

عیني شاهدانو رسنیو ته په ډاګه کړې، چې څو بریدګرو لومړی د سیمه ییزو پولیسو پر پوسته ډزې کړي، چې ورپسي په بازار کې یوه زوروره چاودنه رامنځته شوې ده .

پاکستانیو رسنیو د کرمې ايجنسۍ د سیمه ییزو پولیسي د چارواکو له خولي څرګنده کړې، چې موتر بم چاودنه د پاړه چینار په مرکزي بازار کې د يوې امام بارګاه مخې ته رامنځته شوې ده.

د چارواکو په وينا؛ په پېښه کې ژوبل کسان د پاړه چینار روغتون ته لیږدول شوي دي.

د پوځي چارواکو له خبرپاڼې په ډاګه شوې، چې ژوبل کسان پوځي چورلکو د پېښور روغتونونو ته هم رسولي دي .

د پیښې پړه تر اوسه چا په غاړه نه ده اخیستی.

 

حکومتي خبري رسنیو ویلي، په چاودنه کې یو شمېر موتر او پلورنځي هم ویجاړې شوي او ښایي د مرګ و ژوبلې شمېر له دې هم ډېر شي.

 په پاړه چنار کې د جنورۍ په مياشت کې هم يو ځانمرګي بريد شوی و، چې لږ تر لږه ۲۴ کسان په کې وژل شوي وه او له ۱۰۰ ډېر ټپیان ول.

د جنورۍ د مياشتې د بريد پړه رسنیو ته لشکر جنګوي العالمي او د تحريک طالبان پاکستان شهر يار محسود هم منلې وه.

Advertisement

تازه خبرونه

د ټاپي ګاز شرکت اجرائیه رییس د پروژې له پرمختګه خوښ شو

Published

on

(Last Updated On: وری ۹, ۱۴۰۳)

د کانونو او پټرولیم وزیر شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګ په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه ډخوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

تازه خبرونه

تحول: په افغانستان کې د بریټانیا د پوځي ماموریت ارزونه

Published

on

(Last Updated On: وری ۹, ۱۴۰۳)

Continue Reading

تازه خبرونه

په فاریاب او سرپل کې سېلابونو ځاني او مالي زیانونه اړولي

Published

on

(Last Updated On: وری ۹, ۱۴۰۳)

سیمه‌ییزو چارواکو ویلي؛ د سېلابونو له کبله دوه کسانو خپل خوږ ژوند له لاسه ور کړی او د مالي زيانونو تر څنګ د دې دوه ولايتونو د يو شمېر ولسواليو د تګ راتګ لارې هم تړل شوې دي.

دوی زياته کړې، چې پر کرنيزو ځمکو، استوګنې کورونو، د ښار او کلي تر منځ د پلونو پر نړېدو سربېره سېلابونو د خلکو ژوند له ستونزو سره مخ کړى دى.

د يادونې ده، چې د سېلابونو له کبله زيانمنې شوې کورنۍ له دولت او مرستندويه ادارو څخه د بېړنیو مرستو غوښتنه کوي.

Continue Reading

Trending

Copyright © 2022 Ariana News. All rights reserved!