Connect with us

تازه خبرونه

په مسکو کې د افغان سیاستوالو او طالب استازیو دوه ورځنۍغونډه پیل شوه

خپور شوی

د

(Last Updated On: لړم ۳, ۱۴۰۱)

په مسکو کې د طالب استازیو او افغان سیاستوالو او د ګوندونو د یو شمېر رهبرانو تر منځ غونډه د افغان سولې د سراسري شورا په کوبتوب د سې شنبې پر ورځ( د سلواغې ۱۶ / د فبرورۍ ۵) په درې ساعته ځنډ پیل شوه.

د غونډې ګډنوال هیله مند دی، چې دا د افغانانو خپلمنځۍ غوڼده به د افغان سولې لپاره ښې لاسته راوړنې ولري.

د غونډې ګډونوالو د دغې ناستې په څنډه کې یو او بل په غېږ کې ونیول او د حامد کرزي په مشرۍ د کابل پلاوي د طالب په امامت د ماسپښین لمونځ ادا کړ.

د غونډې ګډونوالو تمه ښودلې، چې د دغه ډول خبرو په بل پړاو کې به افغان حکومت هم په خبرو کې شامل شي، چې د دایمي ثبات لپاره لاره هواره شي.

پخواني ولسمشر حامد کرزي د یوې پوښتنې په ځواب کې، چې حکومت ولې په دې ناسته کې ګون ندی کړی؟ وویل: دا یوه اړینه ناسته ده؛ خو ښه به دا وي، چې په دې اړه خبرې ونکړو او هیله من یم، چې په بله ناسته کې مو ګډونوال شي.

د ناستې ګډونوالو پر پخلاینې ټینګار کړی او غواړي، چې طالبان د افغانانو تر منځ په خپلمنځیو خبرو کې ښکېل شي.

د طالبانو د مهال د امر بالمعروف  رییس مولوي قلم الدین وایي، چې مونږ ټول غواړو له دغې ناستې لاستهخ راوړنې ولرو؛ خوښیږو، چې سره راټول او پخلا شو.

 د مسکو د ناستې د ګډونوالو د پلاوي غړې فوزیه کوفي وایي، چې زه د دغې ناستې  هیله منه یم او غواړم، چې د ښکېلو اړخونو د حقوقو احترام وشي او خپلمنځیو خبرو ته زمینه برابره شي.

د روسیې د بهرنیو چارو وزیر ویلي؛ هڅه کیږي، چې د افغانستان جګړې ته د افغانانو تر منځ د خبرو له لارې حل وموندل شي.

د روسیې د بهرنیو چارو وزیر سرګي لاوروف ویلي، چې هېواد یې په افغانستان کې د جګړې د پای ته رسولو لپاره د افغانانو ترمنځ مخامخ خبرو ته زمینه برابروي.

لاوروف زیاتوي، چې امریکا غواړي د افغان سولې په اړه مسایل پټ پر مخ یوسي.

عطا محمد نور چې د غونډې ګډونوال دي وایي، چې د سولې له توافق مخکې له افغانستان څخه د امریکايي سرتېرو وتل ښايي په کور د ننه خپلمنځيو شخړو ته زمینه برابره کړي.

په همدې حال کې یو شمېر مسکو میشتي افغانان وايي د مسکو غونډې ته خوښ دي او وايي، چې له افغان سیاستوالو سره د طالب استازیو دا غونډه به افغانانو نورو خبرو ته لار پرانیزي.

د ملي یوالي حکومت د مسکو له غونډې سره مخالف ښودلی؛ خو د مسکو د غونډې کډونوال وايي، چې دوی د نظام د کمزوري کولو په نیت دغې غونډې ته ندي راغلي او د زلمي خلیلزاد د سولې د هڅو په پله به پل ږدي.

خبریال: علی اصغري

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!