په پاکستان کې د حقاني شبکې په پټنځي کې چاودنې درې کسان وژلي

(Last Updated On: November 22, 2018)

رویترز خبري سرچینې په ډاګه کړې؛ د اړوند سیمې د یوه امنیتي مقام او د حقاني شبکې د یوې سرچینې د څرګندونو له مخې په پاکستان کې د حقاني شبکې په پټنځي کې ځانمرګي برید درې کسان وژلي دي.

رویترز ته د حقاني شبکې دغې سرچینې ویلي، چې برید د نیک محمد نومي قومندان په دفتر کې رامنځته شوی دی.

یادې سرچینې زیاته کړې، چې دمګړۍ ویلی نشي، چې د دغه برید تر شا د چا لاس دی.

د پاکستان امنیتي سرچینې زیاته کړې، چې په پېښه کې ۱۱ کسان نور ټپیان شوي او دغه راز د حقاني شبکې جمشید نومی قومندان هم ټپي شوی دی.

ویل کیږي، چې دغه برید افغانستان ته نږدې په سرحدي سیمه کې رامنځته شوی دی.  

تر دې دمه هیچا د پېښې مسوولیت ندی منلی.

About Ariana News

Check Also

له یوه امریکايي شرکت سره د بلخاب د مسو د کیندلو تړون لاسلیک شو

(Last Updated On: April 20, 2019)د سرپل سیمه ییز چارواکي وایي، ډېر ژر به د …