۱۶ کاله مخکې دوه ترانسپورتي الوتکو د امریکا دوه سترې ودانۍ ونړولې

(Last Updated On: September 11, 2017 6:22 pm)

پوره شپاړس کاله مخکې د القاعدې غړیو په امریکا کې  د درې مسافر وړونکیو الوتکو کنترول په خپل لاس کې واخیست او له نړیوال سوداګریز مرکز او پنتاګون سره یې ووهلې.

د د وه زره لومړي کال د سپتمبر پر یوولسمه د القاعدې څو غړیو درې الوتکې و تښتولې او  د امریکا له اسمان څکو سوداګریزو ودانیو او دفاع وزارت پنتاګون سره یې وجنګولې. له دغو بریدونو وروسته امریکا او ملاتړو یې د القاعدې او د هغوی له ملاتړو سره د مبارزې په پلمه پر افغانستان برید وکړ.

په دغو بریدونو کې درې زره امریکایان وژل شوي او زرګونه نور ټپیان شول.

افغان چارواکي وايي، چې دغو بریدونو نړیوال ویښ او د ترهګرو ګواښ ته متوجه کړل.

د ولسمشر د ویاند د دفتر سرپرست شاه حسین مرتضوي وایي، هیله من یو، چې د سیمې هېوادونه له ترهګرو ډلو سره مسوولانه کار وکړي او له دې پدیدې سره  په ګډه مبارزه وکړي.

پوره شپاړس کاله کیږي، چې په افغانستان کې د امریکا په مشرۍ نړیوال سرتېري جګړه کوي؛ خو اوس هم افغانستان د ارام ساه نه ده اخیستې.

د ملي وحدت حکومت اجرائيه رييس داکتر عبدالله د سپتمبر یوولسمه او نهمه د نړۍ په تاریخ کې مهمې پېښې ګني او وايي، چې دغو پېښو نړۍ له ترهګرو سره مبارزې ته یو موټی کړه ؛ خو افغانستان اوس هم له ترهګرۍ سره د مبارزې په لومړۍ کرښه کې دی.

هغه زیاتوي، چې ترهګري اوس هم یو نړیوال ګواښ دی.

شنونکي وایي، چې د روان وضعیت مسوولیت تر ډېره افغان چارواکو ته متوجه کیږي.

د ولسي جرګې غړی رمضانبشردوست وايي، چې افغان چارواکو د امریکا او نړیوالې ټولنې له حضور او فرصتونو څخه سمه او غوره  ګټه پورته نکړه.

پوځي کارپوه عتیق الله امرخېل وايي؛ امریکا د خپلو ګټو لپاره پر افغانستان برید کړی، چې له همدې جغرافیې خپل دښمنان ووهي.

د نوموړي په وینا؛ امریکا ته د افغانانو سوکالي ارزښت نلري.

د نظر خاوندانو په اند امریکا نه یوازې د افغانستان د ثبات لپاره ژمنه نده، بلکې د ترهګرو اصلي ځالې یې، چې په پاکستان کې دي هم له پامه غورځولې دي.

About Ariana News

Check Also

د هند اعلان شوې مرستې به د اقتصادي پراختیا لامل شي

(Last Updated On: September 20, 2018 4:55 pm) د هېواد د سوداګرۍ نړیوالې خونې مسوولین …