تازه خبرونه
په پاکستان کې د سخت دریځو خوندي مرکزونو افغانستان نا امنه کړی- ریچارد اولسن
د امریکا پخواني چارواکي وايي، په پاکستان کې د سخت دریځو خوندي مرکزونو افغانستان نا امنه کړی دی.
په واشنګنن کې د ستراتیژیکو او نړیوالو څېړنو مرکز د افغانستان لپاره د امریکا په نوې ستراتیژۍ کې د سیاسي حل لارې پر موادو غونډه وکړه. په دغه غونډه کې د افغانستان او پاکستان لپاره د امریکا پخواني استازي، چې په پاکستان کې د دغه هېواد سفیر هم پاتې شوی، وايي، چې وسلوال سخت دریځي په پاکستان کې خوندي مرکزونه لري.
د افغانستان او پاکستان لپاره د امریکا پخوانی استازی ریچارد اولسن وايي، طالبان په پاکستان کې خوندي مرکزونه لري. طالبان یو ډول منسجم سازمان دی. منظور دادی، چې مونږ کولی شو پوه شو، چې د دوی رهبران څوک دي او د حکمرانۍ څو ډوله جوړښتونه لري. دوی د کوټې او پېښور شوراګاني لري، چې د پاکستان د ښارونو نومونه دي.
ریچارد اولسن وايي، چې د افغانستان د کړکیچ پر سیاسي حل باید ډېر تمرکز وشي.
د نوموړي په وینا؛ د امریکا ولسمشر د نوې ستراتیژۍ پر وخت په راتلونکې کې پر سیاسي حل هم خبرې کړي. که حل لارهمدا وې؛ نو په کار ده، چې مونږ یې هم تعقیب کړو.
په افغانستان کې د امریکا د پخوانی سفیر مرستیال توني وین وايي، چې په پاکستان کې د سخت دریځو خوندي مرکزونو افغانستان نا ارامه کړی دی.
د هغه د وینا له مخې؛ هغه طالبان، چې د افغانستان په ولایتونو کې جنګیږي له هغو طالبانو سره توپیر لري، چې په پاکستان کې اوسیږي. که خوندي مرکزونه موجود وي؛ نو حل لار به یې ګرانه وي.
په افغانستان کې د امریکا د پرمختیايي ادارې پخوانی رییس ایرل ګاست هم په دې باور دی، چې ناامنیو په افغانستان کې پانګوال سخت اندېښمن کړي دي.
هغه وایي، مونږ ګورو، چې په ولسوالیو کې د حکومت واک مخ په کمیدو دی. دغه حالت پانګوال اندېښمن کړي دي. اقتصاد چټکه وده نه کوي او کارګرانو ته دندې نه پیدا کیږي؛ نو ځکه ناامنۍ مخ پر زیاتیدو دي.
په افغانستان کې د امریکا دغه پخواني مامورین وايي، چې په تېرو شپاړس کلونو کې د مخابراتو، پوهنې او روغتیا په برخو کې پرمختګونه شوي، چې باید د ساتلو لپاره یې کار وشي.
دوی ټينګار کوي، چې د افغانستان لپاره د امریکا په نوې ستراتیژۍ کې پر سیاسي حل لار هم باید تمرکز وشي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ