عاجل خبرونه

په فراه ولایت کې پر یوه کور د هوایي برید پر مهال۲۰ طالبان وژل شوي

(Last Updated On: January 6, 2018)

په هغه اعلامیه کې، چې د فراه ولایت پولیسو خپره کړې راغلي؛ د شینډنډ ولسوالۍ هوایي ځواک د دې ولایت د خاک سفید ولسوالۍ د خشک آباد کلي پر یوه داسې کور برید کړی، چې په کې وسلوال طالبان راټول شوي وه.

د دغې اعلامیې له مخې؛ په دې هوایي برید کې۲۰ وسلوال طالبان وژل شوي او ۸ نور ټپیان دي.

دغه راز له یادې اعلامیې څرګنده شوې، چې ۲۲ میله بېلابېله وسله، دوه میله هاوان او ۹ موتر هم په کې ویجاړ شوي دي.

په وژل شویو طالبانو کې د څلور قومندانانو مړي هم لیدل کیږي.

وژل شویو کسانو غوښتل د فراه ولایت پر ښار ډله ییز برید تر سره کړي، خو تر هوایي برید لاندې راغلل.

وسلوالو طالبانو تر دې دمه په دې اړه څه نه دي ویلي.

About Ariana News

Check Also

میررحمان رحماني د ولسي جرګې د رییس په توګه غوره شو

(Last Updated On: May 18, 2019)د ولسي جرګې لنډمهاله رییس ښاغلي عطامحمد دهقانپور لخوا میر …