په کابل کې د لوی کندهار ځوانانو شورا د امریکا له تګلارې ملاتړ څرګند کړ

(Last Updated On: September 14, 2017)

په کابل کې د لوی کندهار د ځوانانو شورا غړيو د افغانستان په اړه د امریکا له نوې تګلارې ملاتړ څرګند کړ.

په ولسي جرګه کې د کندهار استازی لالی حمید زی وایي، افغانستان د امریکا پوځي، سیاسي او اقتصادي ملاتړ ته اړتیا لري.

د هغه په وینا؛ د ملي وحدت حکومت دې هم له فساد او نشه یی توکو سره کلکه مبارزه وکړي او د امنیت د ټینګښت په برخه کې دې اړین ګامونه واخلي.

د لوی کندهار د ځوانانو شورا رییس جاوید فیصل وایي، خلک په ځانګړې توګه د لوی کندهار ولسونه د افغانستان په اړه د امریکا له نوې تګلارې ملاتړ کوي.

نوموړي د ملي وحدت حکومت له چارواکو وغوښتل، چې د لوی کندهار د امنیت او پراختیا لپاره ډېره پاملرنه وکړي.

د افغانستان او جنوبي آسیا په اړه د امریکا نوې تګلاره د اګست میاشتې په وروستیو کې اعلام شوه.

خبریاله: افسون محمدي

About Ariana News

Avatar

Check Also

په لوګر کې هوایي برید ۱۴ کسانو ته مرګ و ژوبله اړولې

(Last Updated On: July 22, 2019)بهرنیو ځواکونو د لوګر په بره کي برک ولسوالۍ کې …