تازه خبرونه
په قزاقستان کې د افغانستان ولسمشر د چین له ولسمشر سره ولیدل
د ولسمشر مرستیال ویاند رسنیو ته په ډاګه کړې، چې په قزاقستان کې د افغانستان ولسمشر د پنجشنبې په ورځ د چین له ولسمشر سره لیدلي او پر بېلابېلو برخو کې یې د خپلمنځیو اړیکو پر پراختیا ور سره خبرې کړې دي.
د چین ولسمشر شي جینگ پنگ د قزاقستان په پلازمېنه استانه کې د پنجشنبې پر ورځ(د غبرګولي ۱۸) د شانګهای د غونډې له پیل مخکې ویلي، چې بیجنګ د افغانستان له سولې، ثبات او بیا رغونې څخه خپل ملاتړ روان ساتي او دغه راز به په دې اړه په سیاسي همغږۍ کې هم خپلې هڅې تر سره کړي.
د چین ولسمشر د امنیتي ستونزو او د ترهګرۍ په وړاندې د مبارزې لپاره د کابل او بیجنګ د همکاریو غوښتونکی شو.
د چین د ولسمشر په وینا؛ د دواړو هېوادونو اړیکې مثبت لوري ته روانې دي او د یوې لارې او یو کمربند تر سرلیک لاندې د دواړو هېوادونو هوکړه هم د ډاډ وړ ده.
دغه راز ولسمشر غني د سیمې او نړۍ په اړه د چین هڅې د ډاډ وړ وښودې او وایي، چې کابل د چین امنیتي، تجارتي او اقتصادي اړیکو او همکاریو ته ژمن دي.
د ولسمشر مرستیال ویاند دواخان مینه پال ویلي، چې ولسمشرغني به ښايي د روسیې له ولسمشر او د نورو هېوادونو له مشرانو سره هم لیدنې ولري او د اقتصادي او امنیتي همکارۍ پر زیاتولو به ور سره وغږېږي
د نوموړي په وینا؛ د شانګهای همکاریو تړون دا دوه ورځنۍ غونډه د پنجشبې په ورځ پیل شوې او جمعه به هم روانه وي.
دا د شانګهای تړون اووه لسمه سرمشریز ده. دا تړون پر ۲۰۰۱ کال د چین، روسیې، قزاقستان، قرغزستان، تاجکستان او ازبکستان له خوا د څو اړخیزو امنیتي، اقتصادي او کلتوري همکاریو لپاره جوړ شوی؛ خو چین او روسیه په دغه تړون کې مهم رول لري.
پر ۲۰۰۴ کال منګولیا هم د دغه تړون څارونکی غړې شوه او پر ۲۰۱۲ کال افغانستان، هند، ایران او پاکستان د دې تړون څارونکي غړي شول.
ولسمشر غني د چهارشنبې په ورځ د ملي امنیت شورا د سلاکار حنیف اتمر په ګډون له یوه جګپوړي پلاوي سره په دې سرمشریزه کې د ګډون لپاره د قزاقستان پلازمېنه استانه ته ولاړ.
د ارګ له خوا خپره شوې خبرپاڼه وايي، چې ولسمشر به د قراقستان په دغه دوه ورځني سفر کې د شانګهای سرمشریزه ته وینا وکړي.
د خبرپاڼې له مخې؛ افغان پلاوی به د دې تړون د غړیو او څارونکیو هېوادونو له ځینو مشرانو سره وګوري او د خپلمنځيو اړیکو او همکارۍ پر پراخولو به ور سره خبرې وکړي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
تازه خبرونه1 day ago
راشد خان د افغان بیسیم سوداګریز سفیر شو