عاجل خبرونه

په کابل کې د نامسووله وسلوالو لس کسیزه ډله ونیول شوه

(Last Updated On: February 14, 2019)

کورنیو چارو وزارت په کابل ښار کې  د نامسوولې وسلوالې لس کسیزې ډلې له نیولو خبر ورکړی دی.

د یاد وزارت د خبرپاڼې له مخې؛ دغه لس کسیزه ډله د کابل ښار د دوه یمې ناحیې د ګلبهار سنتر له اړوند سیمې نیول شوې ده.

دغه راز څرګنده شوې؛ پولیسو یاده نامسووله وسلواله ډله هغه مهال نیولې، چې په اړوند سیمه کې یې د خلکو پر ځورولو او کړولو لاس پورې کړی دی.  

په خبرپاڼه کې راغلي، چې پولیسو د زورواکانو له دغې ډلې سره لس میله بېلابېله وسله دوه (هایلکس او فورتینر) موتر هم نیولي او ضبط کړي دي.

دا په داسې حال کې ده، چې ملي پولیس د نامسووله وسلوالو، جنګسالارانو او یاغیانو په لټه کې دي او ورسره له قانوني چلنده کار اخلي. دغه راز له هېوادوالو هم غوښتل شوي، چې د دغه راز کسانو په نیولو کې ور سره همکاري وکړي.

About Ariana News

Avatar

Check Also

طالبان باید د سولې لپاره خپله اراده ثابته کړي- عبدالله عبدالله

(Last Updated On: February 17, 2020) په تاوتریخوالي کې د اووه ورځني کموالي په اړه …