تازه خبرونه
په قطر کې د طالب او امريکایي استازیو لیدنه لغو شوه
ټاکل شوې وه، چې سبا چارشنبه او پنجشنبه د قطر په پلازمېنه دوحه کې د امریکایي پلاوي د مشر زلمي خلیلزاد او د طالبانو له سیاسي استازیو سره د افغانستان د سولې او ټیکاو په اړه ناسته وشي؛ خو په اجندا کې د نه توافق پر لامل وځنډول شوه.
د یو شمېر طالبانو رویترز خبري سرچینې ته ویلي، چې په قطر کې د امریکایي پلاوي او طالب استازیو تر منځ د چارشنبې او پنجشنبې پر ورځو کیدونکې ناسته پر اجندا د نه توافق له کبله ځنډول شوې ده.
ټاکل شوې وه، چې په دغه غونډه کې د افغانستان پلاوی ګډون نکوي؛ خو د سولې عالي شورا ويلي وه، چې دا ناسته به د وسلوالو طالبانو او افغان حکومت ترمنځ خبرو ته زمینه برابره کړي.
د سولې عالي شورا د ویاند مرستیال اسدالله زائیري وایي، چې امریکا هڅه کوي، چې له افغان حکومت سره نېغو خبرو ته نه یوازې زمینه برابره شي، بلکې د افغانانو تر منځ د خبرو د پیل ټګلاره هم رامنځته کړي.
سیاسي کارپوه حسن حقیار وایي؛ د نظام څرنګوالی، درې میاشتنی اوربند، د زندانیانو تبادله او له افغانستان څخه د امریکايي سرتېرو د وتلو د مهالوېش معلومول هغه ټکي دي، چې په دغه غونډه کې به پرې خبرې وشي.
اجرائيه ریاست وايي؛ د هرې هغې غونډې هرکلی کوو، چې په پایله کې یې افغانستان ته سوله او ثبات راشي.
د اجرائيه ریاست د ویاند مرستیال امید میثم ویلي؛ هیله مندي شته، چې په څو راتلونکیو ورځو کې به د سولې سیمه ییزې ناستې تر سره شي؛ د افغانستان حکومت د سولې او ثبات لپاره د هر راز هڅو ملاتړ کوي.
د نړیوالو چارو پوهان وايي، چې امریکا د افغانستان په سوله کې مهم رول لري؛ خو ټينګار کوي، چې په افغانستان کې شوي پرمختګونه باید خوندي وي.
د نړیوالو اړیکو کارپوه شکیب منتظري څرګنده کړې؛ په رښتیا، چې د امریکا هڅې ګټورې دي، خو شکونه هم شته، چې د له منځه وړلو لپاره یې باید کار وشي.
ویل کیږي، چې درې اوونۍ وړاندې د ابوظبۍ په ناسته کې طالبانو او امریکایي پلاوي له افغانستان څخه د بهرنیو ځواکونو پر وتلو، د بندیانو پر خوشي کیدو او له تور نوملړه د طالبانو پر ایستلو خبرې کړې وې. په دې ناسته کې د سعودي عربستان، اماراتو او پاکستان استازي هم حاضر ول؛ خو طالبانو د افغان حکومت له استول شوي پلاوي سره ونه کتل.
دا په داسې حال کې ده، چې د سولې عالي شورا د دارالانشا ريیس عمر داووزی پاکستان ته پر څلور ورځيني سفر رسیدلی او ویل کیږي، چې هغه به په افغان سوله کې د دغه هېواد رښتینې همکاري وغواړي.
خبریاله: افسون محمدي
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
لوبی5 days ago
د افغانستان فوټسال ملي لوبډلې له ایران ماتې وخوړه
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه8 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه2 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
سیمه ییز خبرونه24 hours ago
د ایران ولسمشر پر درې ورځني سفر پاکستان ته ولاړ
-
سوداگري20 hours ago
د اوسپنې پټلۍ له لارې ترکیې ته د افغانستان صادرات پیل شول