عاجل خبرونه

په فاریاب ولایت کې د یو طالب قاضي په ګډون ۷ طالبان وژل شوي

(Last Updated On: December 18, 2018)

د فاریاب ولایت په دولت آباد ولسوالۍ کې امنیتي ځواکونو د طالبانو پر یو پتنځی بمبارد کړی او د یو قاضي په ګډون یې ۷ طالبان وژلي دي.   

د ۲۰۹ شاهین قول اردو چارواکو څرګنده کړې؛ د امنیتي ځواکونو د هوایي بریدونو په پایله کې، چې د دغه ولایت د دولت آباد ولسوالۍ د فیروزه پر اړوند سیمه تر سره شوي طالب قاضي عبدالرسول فیروزه یي او د هغه ۶ نور ملګري یې وژلي دي.  

د یادې قول اردو د ټینګار له مخې؛ په دې هوایي برید کې درې نور طالبان هم مرګوني ټپیان شوي دي.

د سرچینې په وینا؛ دغه پټنځی هغه مهال تر برید لاندې راغلی، چې دغو کسانو د قاضي عبدالرسول تر مشرۍ لاندې د امنیتي ځواکونو پر تېریدونکي اکمالاتي کاروان د برید لپاره چمتوالی درلود.

همدارنګه د امنیتي ځواکونو د هوایي بریدونو په بهیر کې د یو بل طالب پټنځي وسلې او موتر هم له منځه وړل شوي دي.

فاریاب د افغانستان په شمال کې یو ناامنه ولایت دی، چې په ډېرو ولسوالیو کې یې وسلوال طالبان پراخې هڅې تر سره کوي.

About Ariana News

Avatar

Check Also

افغان حکومت درې مهم طالب بندیان خوشې کړل

(Last Updated On: November 12, 2019)ولسمشر غني په رسمي بڼه د افغانستان د امریکایي پوهنتون …