عاجل خبرونه

په فراه کې د یوې پوستې د سقوط پرمهال ۹ سرتېري وژل شوي

(Last Updated On: December 9, 2018)

د فراه ولایتي شورا په ډاګه کړې، چې په دغه ولایت کې د یوې پوستې د سقوط پرمهال د ملي اردو ۹ سرتېري وژل شوي دي.

د فراه ولایتي شورا رییس خیر محمد نورزایي زیاته کړې، چې تېره شپه وسلوالو طالبانو د بالابلوک ولسوالۍ د آب خرما په اړوند سیمه کې د ملي اردو پر پوسته برید کړی؛ ۹ سرتېري یې وژلي او اړوند پوسته یې هم نیولې ده.

د فراه ولایت امنیتي سرچینو او طالبانو تر دې دمه په دې اړه څه ندي ویلي.

په یوه تازه پېښه کې وسلوالو طالبانو داسې انځورونه خپاره کړي، چې په فراه رود ولسوالۍ کې یې د ملي اردو پر امنیتي مرکز برید کړی؛ یو شمېر سرتېري یې وژلي او لسګونه نور یې ژوندي نیولي دي.

دا په داسې حال کې ده، چې ناتو ځواکونه هم په دغه ولایت کې ځای پر ځای شوي؛ خو وسلوالو طالبانو له څه وخت راپدیخوا پر امنیتي ځواکونو خپل چټک بریدونه ډېر کړي دي.

About Ariana News

Avatar

Check Also

د حیرتانو دوه لارې ته نږدې د راغورزیدلې چورلکې په پېښه کې ۸ کسان وژل شوي

(Last Updated On: October 15, 2019)چارواکو ویلي؛ نن مازیګر د ملي اردو یوه چورلکه د …