عاجل خبرونه

له وخته مخکې پر ټاکنیزو هڅو باید سترګې پټې نشي- یوسف رشید

(Last Updated On: نوومبر 12, 2018)

د افغانستان د آزادو او عادلانه ټاکنو بنسټ وايي، چې د ولسمشریزو ټاکنو لپاره په ناقانانونه توګه مخکې له مخکې کمپاینونه پیل شوي؛ خو د ټاکنو خپلواک کمیسیون پرې سترګې پټې کړې دي.

ولسمشریزو ټاکنو ته اوس پېنځه میاشتي پاتې دي؛ خو د ټاکنو څارونکي بنسټونه وايي، چې دغو ټاکنو ته سر له اوسه ناقانونه کمپاینونه روان دي.

د افغانستان د آزادو او عادلانه ټاکنو بنسټ ريیس یوسف رشید وايي، که حالات کابو نشي، د ولسمشریزو ټاکنو سلامتیا به هم تر پوښتنې لاندې راشي.

د ټاکنو خپلواک کمیسیون د ویاند مرستیال میرزا محمد حق پرست وايي؛ تر هغې، چې نوماندانو په رسمي توګه نوملیکنه نه وي کړې؛ د هغوی چارې کمپاین نه حسابیږي.

د ټاکنو څارونکي بنسټونه وايي، چې د ټاکنو خپلواک کمیسیون د ولسي جرګې د ټاکنو په اړه د شکایتونو د څېړنې او ولسمشریزو ټاکنو د مهالوېش د اعلان مهمې دندې په مخ کې لري، چې باید په پوره دقت یې مدیریت کړي.

خبریال: رفیع صدیقي

About Ariana News

Check Also

حکومت د سولې عالي مشورتي بورد غړي اعلام کړل

(Last Updated On: دسمبر 11, 2018) د افغانستان د ملي امنیت شورا په ډاګه کړې، …