په کابل کې ملي امنیت د ۲۶ داعشیانو له نیولو خبر کړو

(Last Updated On: سپتمبر 18, 2018)

د ملي امنیت عمومي ریاست په ډاګه کړې، چې په کابل کې د داعش جنګیالیو ۲۶ غړي نیول شوي دي.

دغه سرچینه وایي، چې د داعش دا جنګیالي درې ورځې مخکې په بېلاپېلو عملیاتو کې نیول شوي.

دغه ریاست زیاته کړې، چې دغې ډلې د عبدالله نومي په مشرۍ غوښتل پر حسیني وېرکوونکيو بېلابېل بریدونه ترسره کړي.

سرچینې دا هم ویلي، چې په نیول شویو داعشیانو کې یو پولیس هم شته.

ملي امنیت په داسې حال کې د دغو کسانو له نیولو خبره کوي، چې په کابل او نورو سیمو کې د عاشورا مراسم روان دي او داعش هر کال هڅه کوي، چې پر دغو مذهبي مراسمو بریدونه ترسره کړي. داعش د روان سپتمبر پر شپږمه د کابل د لوېدیځ دشت برچي سیمې په یوه ورزشي کلب کې ځانمرګی برید کړی و، چې ۲۶ کسان په کې ووژل شول او ۹۵ نور ټپیان شول.

About Ariana News

Check Also

د افغانستان سوداګریز توکي د لاجورد له لارې اروپا ته ولیږل شول

(Last Updated On: دسمبر 13, 2018) له هرات ولایت څخه د لاجورد له لارې د …