Connect with us

تازه خبرونه

په کابل کې د افغانستان او قزاقستان د سوداګرو ګډه ناسته تر سره شوه

خپور شوی

د

(Last Updated On: لړم ۲, ۱۴۰۱)

د افغانستان د سوداګرۍ خوني مسوولین وايي؛ په افغانستان کې د برښنا او کانونو د استخراج ترڅنګ په بېلابېلو برخو کې د پانګونې فرصتونه شته، چې قزا قي پانګوال کولی شي په کې پانګونه وکړي.

د سوداګرۍ خوني مسوولینو د قزاقستان سوداګرو ترمنځ د ګډې ناستې پر مهال دا هم ویلي، چې دواړه لوري به د اقتصادي همکارۍ او ګډې پانګونې هڅې تر سره کړي.

د سوداګرۍ خوني مسوولین وايي؛ افغانستان هر کال له قزاقستان څخه  ۸۶۶ میلیون دالرو پر ارزښت واردات لري، چې په دې کي غذايي، ودانیز او نفتي توکي  راځي او د  ۱۳ میلیون دالرو پر ارزښت دغه هېواد ته وچه او تازه میوه صادریږي.

د سوداګرۍ خونې مرستیال خانجان الکوزی وایي؛ مونږ غواړو، چې له قزاقستان سره خپله سوداګري نوره هم پراخه کړو، ځکه دواړه هېوادونه ښه فرصتونه لري او له خصوصي سکتور سره همکاري کوي.

د اوبو او برښنا وزارت سرپرست انجنیر ګل محمد خلمي وايي، چې افغانستان د برښنا د تولید په برخه کې بشپړ ظرفیت لري؛ قزاقستاني پانګوال کولی شي په دې برخه کې پانګونه وکړي.

د اوبو او برښنا وزارت سرپرست ګل محمد خلمي زیاته کړې، چې مونږ حاضر یو کورنیو او بهرنیو پانګوالو ته په افغانستان کې د برښنا د تولید په بېلابېلو پروژو کې ونډه ورکړو.

په کابل کې د قزاقستان سفیر ویلي، چې له تېرو څو کلونو راپدیخوا د افغانستان او قزاقستان د سوداګرۍ اړیکې د اختیار په حال کې دي او هغه دا حالت دواړو هېوادونو ته مهم بولي.

په کابل کې د قزاقستان سفیر حلیم خان یسین گیلدیوف څرګنده کړې؛ د سوداګرو ترمنځ د اړیکو پراختیا کولی شي، چي د دواړو هېوادو نو ترمنځ  د اقتصاد او سیاسي اړیکو د پراختیا لامل شي. ان خبر یم، چې د افغانستان په شمال کي به یو قزاق پانګوال یوه سوداګریزه فابریکه هم جوړه کړي.

هغه دا زیاته کړې، چې د سوداګرۍ او اقتصادي اړیکو د پراختیا لپاره يې هېواد افغان پانګوالوته سهولیتو نه په نظرکې نیولي او هیله يې ښودلې، چي افغان لوری به هم د خصوصۍ سکتور د پراختیا لپاره سهولیتونه زیات کړي.

خبریال: اسلم حجاب

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!