Connect with us

تازه خبرونه

په مشرانو جرګه کې له امریکایانو سره د امنیتي تړون د لغوه کولو غوښتنه شوې!

خپور شوی

د

(Last Updated On: لړم ۲, ۱۴۰۱)

د مشرانو جرګې غړیو ویلي، چې امریکا په خپلو ژمنو نده ولاړه او هره ورځ افغانان وژل کیږي؛ نو، ځکه له امریکا سره د امینتي تړون د لغوه کولو غوښتنه کوي.

د یکشنبې پر ورځ( د غویي ۳۰) په مشرانو جرګه کې یو ځل بیا له امریکا سره د افغانستان د امنیتي تړون په اړه خبرې را پورته شوې.

یو شمیر سناتوران وايي، چې له امریکا سره شوی تړون افغانستان ته هیڅ ګټه نده کړې او د پخوا په شان یو شمېر هېوادونه د افغانستان په چارو کې لاسوهنه کوي.  

سناتوران وايي؛ امریکا له افغانستان سره د امنیتي تړون له مخې دنده لري، چې د بهرنیو هېوادونو لاسونه لنډ کړي، وسلوال مخالفین وځپي او افغان سرتېري پر پرمختللیو وسلو سمبال کړي.

د مشرانو جرګې غړی زلمی زابلي وایي: حکومت د امنیت خوندي کولو توان نلري او نه دا جرات لري، چې د امریکا له امنیتي تړونه دفاع وکړي. د فراه ښار پر مرکزي سیمو بریدونه شوي؛ امریکا چېرې وه، چې وسلوال دښمن یې تر بریدونو لاندې نیولی و، ځکه باید له امریکا سره دې امنیتي تړون لغوه  شي.

د مشرانو جرګې یو بل غړی محمد حنیف حنفي وایي؛ نړیواله ټولنه او په ځانګړي توګه امریکا د افغان وژنې سیل کوي او په دې توګه یې شتوالی افغانستان ته څه ګټه لري؛ نو، ځکه امریکا باید له افغانستان څخه ووځي.

د مشرانو جرګې لومړی مرستیال هم ټينګار کوي، چې حالاتو ته په کتو باید له امریکا سره د افغانستان امنیتي تړون بیا و ارزول شي.

د مشرانو جرګې لومړی مرستیال محمد علم ایزدیار وایي: د افغانستان امنیتي او دفاعي سیاست دې وارزول شي. که دا کار ونشي ستونزمنه به وي، چې پر اوسني وضعیت حاکم شو. مونږ له امریکا سره امنیتي تړون لرو او دولت باید پر دغه تړون نوې کتنه وکړي، چې ګټه یې ډېره ده او که زیان؟!

د مشرانو جرګې رييس بیا پر افغان امنیتي بنسټونو غږ کوي، چې له امریکا سره د امینتي تړون پر څرنګوالي سپیناوی رامنځته کړي.

د مشرانو جرګې رييس ښاغلی فضل هادي مسلمیار وايي، چې د امینتي بنسټونو د وضاحت په رڼا کې به له امریکا او ناتو سره د امنیتي تړون د ګټو او زیانونو په اړه پرېکړه وکړو.

دا په داسې حال کې ده، چې په افغانستان کې جګړو او تاوتریخوالي د پام وړ زور اخیستی او وسلوالو طالبانو پر ولایتونو او ولسوالیو ډله ییز بریدونه پیل کړي او له څو ورځو را پدیخوا په بغلان، بدخشان، فاریاب، فراه او ځينو نورو سیمو کې وسلوالو طالبانو پرمختګونه کړي دي.

خبریال: رفیع صدیقي

تازه خبرونه

تېر ۲۰۲۳ کال د افغانستان د خلکو لپاره د سترو ننګونو کال و -راپور

Published

on

(Last Updated On: وری ۳۰, ۱۴۰۳)

په ۲۰۲۴ کال کې به د افغانستان شاوخوا ۱۵ اعشاریه ۸ میلیون خلک د خوړو د خوندیتوب له بحران او بېړنۍ کچې سره مخ شي.

 په افغانستان کې د ملګرو ملتونو ټولنې د ۲۰۲۳ کال د پایلو په کلني راپور کې ویلي، چې په افغانستان کې میلیونونه وګړي له لوږې او خوارځواکۍ سره مخ دي، چې ډېري یې خپلې لومړنۍ اړتیاوې پوره کولی نشي.

ملګرو ملتونو څرګنده کړې، چې بشري ناورین په ۲۰۲۳ کال کې هم دوام درلود او دغه هېواد یوه لسیزه شاه تګ کړی او دا مهال د افغانستان نیمايي وګړي په بې وزلۍ کې ژوند کوي.

د اقتصاد وزارت مسلکي مرستیال عبداللطیف نظري له افغانانو سره د بشري مرستو پر اړتیا ټینګار کوي او زیاتوي، چې دغه وزارت په هېواد کې د فقر او لوږې د ختمولو لپاره مناسب پلانونه لري.

ملګرو ملتونو په راپور کې راغلي، چې له ۲۰۲۱ کال راپدیخوا د اقتصادي تولیداتو کچه یو پر څلورمه راټیټه شوې او د نړیوال بانک د راپور له مخې دا مهال د افغانستان نیمايي نفوس په بې‌وزلۍ کې ژوند کوي.

دا په داسې حال کې ده، چې ملګرو ملتونو اندېښنه ښودلې او څرګندوي؛ دوی له افغانستان سره د مرستو د دوام لپاره د بودجې له کمښت سره مخ دي.

Continue Reading

تازه خبرونه

ملګرو ملتونو تېر کال په افغانستان کې د اوبو ۴۷۰ کیلومټره کانالونه جوړ کړل

Published

on

(Last Updated On: وری ۳۰, ۱۴۰۳)

د خوړو نړيوال پروګرام ویلي، چې تېر کال يې په افغانستان کې د سيمه‌ييزو ټولنو پر همکارۍ د شاوخوا ٤٧٠ کيلومټرو پر اوږدوالي د اوبو کانالونه جوړ کړي دي.

د دې پروګرام د افغانستان برخې د چارشنبې پر ورځ (د وري نهه‌ویشتمه ) په ایکس پاڼه کې لیکلي؛ په افغانستان کې کروندګر اوبو ته له لاسرسي پرته خپل ژوند روان ساتلی نشي.

دغه راز څرګنده شوې؛ د اوبو کانالونو له کروندګرو سره مرسته کړې، چې خپلو کورنیو ته خواړه برابر کړي او خپل اضافي تولیدات او محصولات وپلوري.

د خصوصي سکتورغړي هم  وايي؛ د خوړو نړیوال پروګرام له‌خوا په هېواد کې د اوبو د مدیریت لپاره د کانالونو له جوړولو هرکلی کوي او څرګندوي، چې د هېواد د اوبو مدیریت کولی شي افغانستان  له فقر او اقتصادي بحران څخه وژغوري.

دا په داسې حال کې ده، چې له څو کلونو وچکالۍ وروسته؛ وروستیو اورښتونو د افغانستان کروندګر هیله من کړي، چې راتلونکی کال به ښه حاصلات ولري.

Continue Reading

تازه خبرونه

په بیجینګ کې د چین او افغانستان درېیمه اقتصادي ناسته تر سره شوه  

Published

on

(Last Updated On: وری ۳۰, ۱۴۰۳)

په بیجينګ کې د افغانستان اسلامي امارت او د چين ولسي جمهوريت د بهرنيو چارو وزارتونو د اړوند سياسي څانګو پر مشرۍ د بشري مرستو او اقتصادي بيارغونې پر ميکانيزمونو درېيمه ناسته ترسره شوه.

د افغانستان بهرنیو چارو وزارت ویاند عبدالقهار بلخي په ایکس پاڼه کې لیکلي، چې په دې ناسته کې د افغانستان د بهرنيو چارو وزارت پر استازیو سربېره د صنعت او سوداګرۍ، کانونو او پټروليم، د کډوالو او بېرته راستنېدونکیو چارو او د طبيعي پېښو پر وړاندې د امارت وزارت استازو ګډون کړی و.

دغه راز په دې ناسته کې د چين د سوداګرۍ، طبيعي سرچينو، د چين نړيوالې پراختيايي ادارې او نړيوالې همکارۍ ادارو استازو هم برخه اخیستې وه.

د بهرنیو چارو وزارت د څرګندونو له مخې؛ په دې ناسته کې له تېرو دوه نيمو کلونو راپدیخوا د طبيعي پېښو، جبري راستانه شویو کډوالو او روغتيا په برخه کې د مرستو پر میکانیزمونو بیا کتنه وشوه.

 افغان پلاوي د چين د مرستو د ګټورتوب لپاره خپل وړانديزونه او سلا مشورې چينايي اړوند لوري ته وړاندې کړل.

چينايي لوري ژمنه کړې، چې له افغانستان سره به د چين بشري مرستې د افغان لوري د اړتياوو او لومړيتوبونو له پام کې نيولو سره تنظيم کړي. دغه راز به له افغانستان سره د جبري راستانه شویو کډوالو د مېشتېدو په برخه کې د چين د سل میلیون يوانو په مرستو کې د افغان لوري وړانديزونه هم په پام کې ونيول شي.

د چين سره صليب ټولنې ژمنه کړې، چې په چين کې به د افغان ماشومانو د زړه ناروغيو د درملنې د بيا پيل زمينه هم برابره کړي.

د عبدالقهار بلخي د څرګندونو له مخې؛ د افغانستان د اقتصادي بيارغونې ميکانيزم په چوکاټ کې د دواړو هېوادونو ترمنځ د سوداګرۍ پر زياتوالي په ځانګړي توګه چين ته د زیاتو افغان توکو د صادرولو د زمينې برابرولو، وړتیا لوړونې او په افغانستان کې د کانونو او معاصرې سوداګرۍ په برخه کې د چين د پانګونې د فرصتونو په اړه هر اړخیزې خبرې وشوې.

دواړو لوريو چين ته د افغانستان د جلغوزو له صادراتو وروسته د انارو د صادراتو زمينې د برابرولو د هرکلی ترڅنګ په افغانستان کې د نفتو د استخراج کچې لوړولو او د لوګر مس عینک کان د استخراج د پيلولو په برخه کې د وروستيو پرمختګونو په اړه خبرې وکړې او ټينګار وشو، چې د چارو د چټکتيا پر طرحو به غور وشي.

افغان لوري د چين پر ملاتړ د افغانستان د حکومت په ګڼو وزارتونو او ادارو کې د ملکي مامورينو د وړتیا لوړونې لپاره له روزنيزو پروګرامونو او افغانانو ته د سکالرشپونو د لړۍ له پراخولو هرکلی وکړ.

ویل کیږي، چې په دې ناسته کې د واخان اقتصادي دهلیز د اهميت او احتمالي ګټو او د دې کوريډور د پرانيستو پر امکاناتو هم بحثونه شوي دي.

Continue Reading

Trending

Copyright © 2022 Ariana News. All rights reserved!