عاجل خبرونه

په هرات ولایت کې د یوې کورنۍ ۷ غړي وژل شوي

(Last Updated On: اپریل 29, 2018)

په هرات ولایت کې سیمه ییزو چارواکو ویلي، چې د هرات ولایت په کشک رباط سنګي ولسوالۍ کې د یوې کورنۍ ۷ غړي وژل شوي دي.

د هرات والي ویاند جیلاني فرهاد وایي، چې د دې ولایت د کشک باط سنګي ولسوالۍ په تونوش بیګ کلي کې یو شمېر کسانو پر یوه کور د لاسي بمونو وسلوال برید کړی، چې د یوې کورنۍ ۷ کسان په کې وژل شوي دي.

په پېښه کې د دغې کورنۍ د پلار په ګډون دوه زامن، درې لوڼې او د ماشومانو مور وژل شوي دي.

د کشک رباط سنګي ولسوالۍ چارواکو پېښه منلې او وایي، چې پېښه د کورنیو اختلافاتو پر لامل رامنځته شوې ده.

د پېښې تر سره کوونکي وسلوال له سیمې تښتیدلي دي.

د سیمه ییزې سرچینې د څرګندونو له مخې؛ په سیمه کې د پېښې د تر سره کوونکیو د نیولو پلټنه روانه ده.

About Ariana News

Check Also

خلیلزاد د ولسمشریزو ټاکنو د ځنډیدو وړداندیز کړی

(Last Updated On: نوومبر 13, 2018) وال ستریت ژورنال په ډاګه کړې، چې، ترمپ د …