Connect with us

تازه خبرونه

په کابل کې د امریکا ۱۱ کسیز پلاوي د سولې په اړه خبرې کړي

خپور شوی

د

(Last Updated On: لړم ۲, ۱۴۰۱)

د امریکا د کانګرس ۱۱ کسیز پلاوي د ملي وحدت حکومت له مشرانو سره د افغانستان د سولې په اړه خبرې وکړې.

د تاشکند ناستې له جوړیدو وروسته اوس د امریکا د کانګرس یوولس کسیز پلاوی کابل ته راغلی او دغلته یې د ملي وحدت حکومت له مشرانو سره د افغانستان د سولې پر بهیر خبرې کړي او ویل کیږي، چې د دې خبرو چورلیز هم د افغانستان د سولې په بهیر کې د افغانستان، امریکا او د سیمې پر کورني کار ور ټول شوی.

 حکومت وایي، د امریکا د کانګرس پلاوي د سولې په بهیر کې د ښځو پر رول او د ترهګرۍ خلاف په مبارزه کې له کابله د واشنګتن پر ملاتړ ټینګار کړی دی.

د اجرائیه رییس د ویاند مرستیال جاوید فیصل وایي: د امریکا د کانګرس ۱۱ کسیز پلاوی په کابل کې دی او د ملي وحدت حکومت له مشرانو سره لیدنې لري. د دوی د خبرو اجندا د امنیتي او اقتصادي موضوعاتو پر همکارۍ راڅرخي.         

ولسمشر غني د امریکا د کانګرس له پلاوي سره په کتنه کې ویلي، چې: د امریکا نوې تګلارې د افغانستان کښتۍ د ساحل غاړې ته نږدې کړې ده.

د حکومت په باور؛ د سولې په اړه پرله پسې ناستې، د سیمه ییزې او نړیوالې اجماع د جوړیدو هڅې په دې تړاو مهمې بېلګې دي.

سیاسي شنونکی صدیق پتمن وایي: تر هغې، چې افغانستان خپل ناپېیلتوب خوندي نکړي او د نه ختیځ او نه لویدیځ د شعار پورته کوونکي هېواد په توګه د اړیکو نښلوونکی نشي؛ فکر نکوم، چې د سولې په اړه سیمه ییزه او نړیواله اجماع رامنځته شي.        

د تاشکند د سولې ناستې په څنډو کې روسیې هم د کابل، واشنګتن او مسکو د درې اړخیزې غونډې د جوړیدو وړاندیز کړی دی.

د افغانستان د سولې پر پروسې د افغان حکومت، سیمې او نړۍ تمرکز اوس دا هیلې ټوکولي، چې په دې برخه کې به ټاکل شوې موخه تر لاسه کیږي.

د مدني ټولنو د شبکې رییس عزیز رفیعي وایي: په افغانستان کې سولې ته د رسیدو زمینه تر ډېره برابره شوې؛ سیمه ییزې او نړیوالې هڅې هم د سولې لوري ته روانې دي، خو که حکومت له دې شېبې ښه ګټه پورته کړي کیدی شي سولې ته ورسیږو.        

 که څه هم حکومت د سولې خبره کوي؛ خو طالبانو تر اوسه له افغان دولت سره خبرو ته تیاری نه دی ښودلی او د کابل د سولې طرحې ته، چې شاوخوا یوه میاشت مخکې اعلام شوه، هم رسمي ځواب نه دی ورکړ شوی.

خبریال: باعث حیات

تازه خبرونه

تېر ۲۰۲۳ کال د افغانستان د خلکو لپاره د سترو ننګونو کال و -راپور

Published

on

(Last Updated On: وری ۳۰, ۱۴۰۳)

په ۲۰۲۴ کال کې به د افغانستان شاوخوا ۱۵ اعشاریه ۸ میلیون خلک د خوړو د خوندیتوب له بحران او بېړنۍ کچې سره مخ شي.

 په افغانستان کې د ملګرو ملتونو ټولنې د ۲۰۲۳ کال د پایلو په کلني راپور کې ویلي، چې په افغانستان کې میلیونونه وګړي له لوږې او خوارځواکۍ سره مخ دي، چې ډېري یې خپلې لومړنۍ اړتیاوې پوره کولی نشي.

ملګرو ملتونو څرګنده کړې، چې بشري ناورین په ۲۰۲۳ کال کې هم دوام درلود او دغه هېواد یوه لسیزه شاه تګ کړی او دا مهال د افغانستان نیمايي وګړي په بې وزلۍ کې ژوند کوي.

د اقتصاد وزارت مسلکي مرستیال عبداللطیف نظري له افغانانو سره د بشري مرستو پر اړتیا ټینګار کوي او زیاتوي، چې دغه وزارت په هېواد کې د فقر او لوږې د ختمولو لپاره مناسب پلانونه لري.

ملګرو ملتونو په راپور کې راغلي، چې له ۲۰۲۱ کال راپدیخوا د اقتصادي تولیداتو کچه یو پر څلورمه راټیټه شوې او د نړیوال بانک د راپور له مخې دا مهال د افغانستان نیمايي نفوس په بې‌وزلۍ کې ژوند کوي.

دا په داسې حال کې ده، چې ملګرو ملتونو اندېښنه ښودلې او څرګندوي؛ دوی له افغانستان سره د مرستو د دوام لپاره د بودجې له کمښت سره مخ دي.

Continue Reading

تازه خبرونه

ملګرو ملتونو تېر کال په افغانستان کې د اوبو ۴۷۰ کیلومټره کانالونه جوړ کړل

Published

on

(Last Updated On: وری ۳۰, ۱۴۰۳)

د خوړو نړيوال پروګرام ویلي، چې تېر کال يې په افغانستان کې د سيمه‌ييزو ټولنو پر همکارۍ د شاوخوا ٤٧٠ کيلومټرو پر اوږدوالي د اوبو کانالونه جوړ کړي دي.

د دې پروګرام د افغانستان برخې د چارشنبې پر ورځ (د وري نهه‌ویشتمه ) په ایکس پاڼه کې لیکلي؛ په افغانستان کې کروندګر اوبو ته له لاسرسي پرته خپل ژوند روان ساتلی نشي.

دغه راز څرګنده شوې؛ د اوبو کانالونو له کروندګرو سره مرسته کړې، چې خپلو کورنیو ته خواړه برابر کړي او خپل اضافي تولیدات او محصولات وپلوري.

د خصوصي سکتورغړي هم  وايي؛ د خوړو نړیوال پروګرام له‌خوا په هېواد کې د اوبو د مدیریت لپاره د کانالونو له جوړولو هرکلی کوي او څرګندوي، چې د هېواد د اوبو مدیریت کولی شي افغانستان  له فقر او اقتصادي بحران څخه وژغوري.

دا په داسې حال کې ده، چې له څو کلونو وچکالۍ وروسته؛ وروستیو اورښتونو د افغانستان کروندګر هیله من کړي، چې راتلونکی کال به ښه حاصلات ولري.

Continue Reading

تازه خبرونه

په بیجینګ کې د چین او افغانستان درېیمه اقتصادي ناسته تر سره شوه  

Published

on

(Last Updated On: وری ۳۰, ۱۴۰۳)

په بیجينګ کې د افغانستان اسلامي امارت او د چين ولسي جمهوريت د بهرنيو چارو وزارتونو د اړوند سياسي څانګو پر مشرۍ د بشري مرستو او اقتصادي بيارغونې پر ميکانيزمونو درېيمه ناسته ترسره شوه.

د افغانستان بهرنیو چارو وزارت ویاند عبدالقهار بلخي په ایکس پاڼه کې لیکلي، چې په دې ناسته کې د افغانستان د بهرنيو چارو وزارت پر استازیو سربېره د صنعت او سوداګرۍ، کانونو او پټروليم، د کډوالو او بېرته راستنېدونکیو چارو او د طبيعي پېښو پر وړاندې د امارت وزارت استازو ګډون کړی و.

دغه راز په دې ناسته کې د چين د سوداګرۍ، طبيعي سرچينو، د چين نړيوالې پراختيايي ادارې او نړيوالې همکارۍ ادارو استازو هم برخه اخیستې وه.

د بهرنیو چارو وزارت د څرګندونو له مخې؛ په دې ناسته کې له تېرو دوه نيمو کلونو راپدیخوا د طبيعي پېښو، جبري راستانه شویو کډوالو او روغتيا په برخه کې د مرستو پر میکانیزمونو بیا کتنه وشوه.

 افغان پلاوي د چين د مرستو د ګټورتوب لپاره خپل وړانديزونه او سلا مشورې چينايي اړوند لوري ته وړاندې کړل.

چينايي لوري ژمنه کړې، چې له افغانستان سره به د چين بشري مرستې د افغان لوري د اړتياوو او لومړيتوبونو له پام کې نيولو سره تنظيم کړي. دغه راز به له افغانستان سره د جبري راستانه شویو کډوالو د مېشتېدو په برخه کې د چين د سل میلیون يوانو په مرستو کې د افغان لوري وړانديزونه هم په پام کې ونيول شي.

د چين سره صليب ټولنې ژمنه کړې، چې په چين کې به د افغان ماشومانو د زړه ناروغيو د درملنې د بيا پيل زمينه هم برابره کړي.

د عبدالقهار بلخي د څرګندونو له مخې؛ د افغانستان د اقتصادي بيارغونې ميکانيزم په چوکاټ کې د دواړو هېوادونو ترمنځ د سوداګرۍ پر زياتوالي په ځانګړي توګه چين ته د زیاتو افغان توکو د صادرولو د زمينې برابرولو، وړتیا لوړونې او په افغانستان کې د کانونو او معاصرې سوداګرۍ په برخه کې د چين د پانګونې د فرصتونو په اړه هر اړخیزې خبرې وشوې.

دواړو لوريو چين ته د افغانستان د جلغوزو له صادراتو وروسته د انارو د صادراتو زمينې د برابرولو د هرکلی ترڅنګ په افغانستان کې د نفتو د استخراج کچې لوړولو او د لوګر مس عینک کان د استخراج د پيلولو په برخه کې د وروستيو پرمختګونو په اړه خبرې وکړې او ټينګار وشو، چې د چارو د چټکتيا پر طرحو به غور وشي.

افغان لوري د چين پر ملاتړ د افغانستان د حکومت په ګڼو وزارتونو او ادارو کې د ملکي مامورينو د وړتیا لوړونې لپاره له روزنيزو پروګرامونو او افغانانو ته د سکالرشپونو د لړۍ له پراخولو هرکلی وکړ.

ویل کیږي، چې په دې ناسته کې د واخان اقتصادي دهلیز د اهميت او احتمالي ګټو او د دې کوريډور د پرانيستو پر امکاناتو هم بحثونه شوي دي.

Continue Reading

Trending

Copyright © 2022 Ariana News. All rights reserved!