په بنګله دېش کې افغان سفیر اکمل غني احمدزی ومړ

(Last Updated On: July 10, 2017)

په بنګله دېش کې افغان سفیر اکمل غني احمدزی او د افغان ولسمشرغني کاکا په امریکا کې له وربېښې ناروغۍ ومړ.

د افغانستان د بهرنیو چارو وزارت د ارواښاد مړینه د هېواد دیپلوماسۍ ته یوه ستره ضایعه وګڼله.

ارواښاد اکمل غني اخمدزی د دغه وزارت په بېلابېلو څانګو کې دندې تر سره کړي؛ په پاریس او ایران کې د افغانستان سفیر هم و.

نوموړي دغه راز د پاکستان په پېښور کې هم د جنرال قونسل دنده تر سره کړې ده.

ارواښاد احمدزی د جنرال عبدالغني خان زوی دی، چې په ۱۹۳۴ م کال په کابل کې زېږیدلی دی. لومړنۍ زدکړې یې په استقلال لیسه او لوړې زدکړې یې د کابل پوهنتون د حقوقو پوهنځی د ادارې او دیپلوماسۍ په څانګه کې تر سره کړې وې.

نوموړي په موقته اداره کې د بهرنیو چارو وزارت د لومړي سیاسي مدیر په توګه کار کړی، بیا په بنګله دېش کې د افغانستان سفیر او د یاد وزارت ځانګړی مشاور هم پاتې شوی و.

About Ariana News

Check Also

د آلمان ځانګړي استازي په قطر کې له طالب استازي ملا برادر سره لیدلي

(Last Updated On: May 19, 2019)د افغانستان او پاکستان لپاره د آلمان هېواد ځانګړي استازي …