عاجل خبرونه

له حکومت سره د خبرو په شرط به طالب بندیان خوشې شي-دانش

(Last Updated On: November 8, 2019)

د ولسمشر دوه یم مرستیال د جمعې پر ورځ( د لړم ۱۷) د لویې جرګې په خیمه کې د ولسي جرګې د غړي مصطفی کاظمي د دولسمې تلینغونډې ګډونوالو ته ویلي، چې افغان حکومت د طالب بندیانو آزادولو ته چمتووالی نیولی؛ خو دا کار به هغه مهال وشي، چې تاوتریخوالی لږ او له حکومت سره خبرې پیل کړي.

د ولسمشر دوه یم مرستیال سرور دانش وایي، حکومت د طالب بندیانو آزادولو ته بشپړ چمتووالی لري؛ خو په دې شرط چې دا ډله له تاوتریخوالي لاس واخلي او له حکومت سره مخامخ خبرو ته چمتو شي.

هغه دا ټینګار هم کړی، چې پر سوله د حکومت د بې باورۍ تورونه ناسم دي او حکومت نه غواړي لنډ مهاله سوله رامنځته شي.

د ولسمشر دوه یم مرستیال دانش څرګنده کړې؛ حکومت د باعزته سولې راتلو ته پیاوړې ژمنه لري او مونږ داسې سوله غواړو، چې د خلکو لاسته راوړنې په کې قرباني نشي.

د نوموړي پر اند؛ هیڅوک نشي کولی د نظام مشروعیت له منځه یووسي.

هغه دا هم ویلي، چې د ولسمشریزو ټاکنو پایله به ژر اعلان شي.

په همدې حال کې د پخواني ولسمشر لومړي مرستیال یونس قانوني تینګار کړی، چې د دولت له حضور پرته پخلاینه ناشونې ده او د سولې بحث باید هر اړخیزه وي

ټاکل شوې وه ، چې د طالبانو پلاوی به د افغان حکومت له ځینو استازیو سره د جمعې پر ورځ( د لړم پر ۱۷) وویني؛ خو دا ناسته د نامعلومو دلایلو له کبله تر راتلونکې اوونۍ وځنډیده.

About Ariana News

Avatar

Check Also

افغان حکومت درې مهم طالب بندیان خوشې کړل

(Last Updated On: November 12, 2019)ولسمشر غني په رسمي بڼه د افغانستان د امریکایي پوهنتون …