تازه خبرونه
په جګړه کې ښکېل دېرش زره پولیسو ته معاشونه ندي ورکړ شوي
لکه توده هوا، د جګړې میدانونه هم ګرم دي؛ خو یو تازه راپورښیي، چې د ۳۰ زره پولیسو معاشونه په دې خاطر، چې بایومتریک شوي نه دي، د امریکا په مشرۍ نړیوال ائتلاف ځنډولي دي.
نیویارک تایمز ورځپاڼې په ډاګه کړې، چې د امریکا په مشرۍ نړیوال ائتلاف د امنیتي بنسټونو په مشرتابه کې د فساد له کبله له دې پولیسو سره مالي ملاتړ درولی دی.
کورنیو چارو وزارت ویاند نجیب دانش وایي، چې دیرش زره پولیس نه، بلکې د یو شمېر پولیسو معاشونه؛ ځکه نه دي اجرا شوي، چې په بایومتریک سیستم کې نه دي شامل شوي.
د نوموړي په وینا؛ هڅه کوو، چې له یوې بلې سرچینې دغه شمېر پولیسو ته پیسې ترلاسه او معاشونه یې اجرا کړو.
سرچینو څرګنده کړې، چې د افغان ځواکونو په لیکو کې خیالي ځواکونه هغه مهال مطرح شول، چې کورنیو چارو وزارت دوه سترې قطعې ملي دفاع وزارت ته وسپارلې او په کاغذونو کې یې شمېرله اصلي شمېر زرګونه ډېر و.
د غزني د پولیسو قومندان فرید احمد مشعل په بشپړ ټینګار ویلي، چې خیالي پولیس شته؛ مونږ له سختې جګړې سره مخ یو. هڅه کوو، چې تشه ډکه کړو او هغو مسوولینو، چې خیالي معاشونه جبونو ته اچولي؛ څارنوالۍ ته وروپېژنو.
باور کیږي، چې د جګړې په لومړیو کرښو کې ښکېلو پولیسو ته د معاشونو نه ورکړه، بده اغېزه لري.
پوځي کارپوه عبدالهادي قریشي وایي: پرته له معاشه تېښته او زړه بدوالی رامنځته کیږي؛ په هغه توګه، چې لازمه ده دنده نه ترسره کوي او په دنده کې بې پروایي رامنځته کیږي.
افغان ځواکونو سره ناتو هر کال شاوخوا څلور میلیارد دالر مرسته کوي او د تازه څرګندونو له مخې ناتو خپله ژمنه تازه کړې ده؛ خو ناتو ویلي: د دې مرستو ځنډېدل به له دې سره مرسته وکړي، چې بایومتریک سیستم ګړندی شي.
افغان چارواکي وایي، بایو متریک سیسستم جدي نیول شوی او حتا په ځینو سیمو کې پولیس سرتېري د نوملیکنې مرکزونو ته په چورلکو کې لیږدول کیږي.
خبریال: شاهپور فرهمند
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه20 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
نړۍ18 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
لوبی19 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ