په سمنګان ولایت کې د یو انجنیر په ګډون ۴ کسان تښتول شوي

(Last Updated On: February 25, 2018)

د یکشنبې په سهار د سمنګان ولایت له رباطک سیمې د یو انجنیر په ګډون ۴ کسان تښتول شوي، چې یو په کې دریور او دوه نور یې ملګري دي.

د سمنګان والي ویاند صدیق عزیزي پېښه منلي او وایي، چې دغه کسان د یو ساختماني شرکت کارکوونکي دي او هغه مهال تښتول شوي، چې د رباطک د سیمې استنادي دیوال یې جوړاوه.  

د نوموړي د څرګندونو له مخې؛ همدا اوس د امنیتي ځواکونو او سړي تښتوونکیو تر منځ د تښتول شویو کسانو د خلاصولو په موخه نښته روانه ده.  

ښاغلی عزیزي زیاتوي، له دې مخکې طالبانو له دغو انجنیرانو څخه د پیسو غوښتنه کړې وه.

دا په داسې حال کې ده، چې تېره اوونۍ سیمه ییزو ارګانونو دغه ولایت ته نوی والي ورپېژندلی دی.

وسلوالو طالبانو تر دې دمه په دې اړه څه نه دي ویلي.

About Ariana News

Avatar

Check Also

د بغلان ـ کندوز پر لویه لار طالبانو د پلټنې پوسته جوړه کړې

(Last Updated On: February 16, 2020) د بغلان ـ کندوز پر لویه لار د پلخمري …