عاجل خبرونه

په ایران کې د خلکو اعتراضونه له تاوتریخوالي سره مخ شول

(Last Updated On: December 31, 2017 4:21 pm)

د ایران په څو ښارونو کې د اعتراضونو په وړاندې د امنیتي ځواکونو اقدامات له تاوتریخوالي سره شوي دي.

راپورونه وايي، چې تر تېرې شپې پورې په تهران او څو نورو ښارونو کې اعتراضونو دوام درلود.

په راپورونو کې ویل شوي، چې په کرمانشاه، شهرکرد، بندرعباس، زنجان، خرم آباد او اهواز کې هم اعتراضونو دوام درلود.

په ایران کې دننه ځینو رسنیو د دغه هېواد د چارواکو د وینا له مخې ویلي، چې شاوخوا ۸۰ تنه اعتراض کوونکي تېره شپه نیول شوي او دوه کسه وژل شوي دي.

حکومت اعتراض کوونکي د قانون څخه سرغړوونکي ګڼي.

دا مظاهرې لومړی په تهران کې د جنسونو د بیو د لوړوالي په اعتراض کې پیل شوي او ویل کیږي، چې په ایران کې روانو اعتراضونو د امریکا د ولسمشر دونالد ترمپ پاملرنه هم خپل لوري ته راګرزولې ده.

About Ariana News

Check Also

د هند اعلان شوې مرستې به د اقتصادي پراختیا لامل شي

(Last Updated On: September 20, 2018 4:55 pm) د هېواد د سوداګرۍ نړیوالې خونې مسوولین …