عاجل خبرونه

په جلال آباد کې د وطني تولیداتو او تاریخي آثارو نندارتون جوړ شوی

(Last Updated On: دسمبر 21, 2017)

په جلال آباد کې د  اطلاعاتو او فرهنګ وزارت لخوا د ورېښمو لارې د فرهنګي اوونۍ پًه ویاړ د وطني تولیداتو اوتاریخي آثارو فرهنګي نندارتون جوړ شوی، چې موخه یې داخلي تولیداتو ته بازار موندنه او له تاریخي آثارو سره آشنایي ده.

د نندارتون یو مینوال محمد حسن کمالزی وایي، دې فرهنګي نندارتون ته د چارواکو د راتګ له کبله له تېرو دوه ورځو راهیسې د ښار ګڼې لارې تړل شوې دي.

د لاسي صنایعو تولیدوونکې برښنا سلطاني وایي؛ د نندارتون له جوړیدو خوښه ده؛ خو وایي، چې انځورونه او تولیدات سم تنظیم  شوي نه دي.

د نوموړې په وینا؛ حکومت دې زمونږ لاسي صنایعو ته د بازار موندنې هڅې وکړي او د خرڅلاو آسانه لار دې ورته ولټول شي.

د اطلاعاتو او فرهنګ وزارت سرپرست پوهاند محمد رسول باوري وايي، سخت امنیتي تدابېر؛ مجبوریت دی، خو د دغه نندارتون جوړول ډېر ګټوردي.

مسوولین وايي، په دې دوه ورځني نندارتون کې یوازې د ننګرهار تولیدات نندارې ته اېښودل شوي.

د یادونې وړ ده، چې د دغه نندارتون د لیدلو تلوسه د ننګرهار ټول اوسیدونکي لري؛ خو دلته د آثارو لیدو ته هر څوک په آسانۍ راتلی نشي.  

خبریال: رحمت الله زیارمل

About Ariana News

Check Also

اجرائیه رییس عبدالله د ايران له ولسمشر سره لیدلي

(Last Updated On: سپتمبر 25, 2018) د افغانستان د ملي وحدت حکومت اجرائیه رییس داکتر …